InfoHub Logo

Aldaǵy úsh kúnde Astana men Almaty qalalaryndaǵy aýa raıy qandaı bolatyny belgili boldy. Sınoptıkterdiń málimetinshe, Astanaǵa burqasyn qaıta oralyp, aýa temperatýrasy kúrt tómendese, Almatyda kún jylynyp, jaıly aýa raıy saqtalady.

Bul týraly Infohub.kz aqparat agenttigi habarlaıdy.

Astanadaǵy aýa raıy boljamy

14 aqpan kúni Astanada aınymaly bultty bolyp, jaýyn-shashynsyz ótedi. Ońtústik baǵyttaǵy jel 2-7 m/s jyldamdyqpen soǵady. Aýa temperatýrasy túnde -25-27, kúndiz -9-11 gradýs jyly bolady.

15 aqpan kúni de jaýyn-shashyn kútilmeıdi. Ońtústik-shyǵys jeli 2-7 m/s jyldamdyqpen soǵady. Túnde termometr baǵany -24-26, al kúndiz -5-7 gradýsty kórsetedi.

16 aqpan kúni aınymaly bultty bolyp, kúndiz qar jaýyp, boran soǵady. Jolda kóktaıǵaq bolady. Ońtústik-batysqa aýysatyn ońtústik-shyǵys jeli túnde 2-7 m/s, kúndiz 9-14 m/s, ekpini 15-20 m/s deıin jetedi. Aýa temperatýrasy túnde -13-15, kúndiz 0-2 gradýs sýyq bolady.

Almatydaǵy aýa raıy boljamy

14 aqpan kúni Almatyda tańerteń jáne kúndiz jaýyn-shashyn (jańbyr, qar) bolady. Keıde tuman men kóktaıǵaq baıqalady. Soltústik-shyǵys jeli 2-7 m/s jyldamdyqpen soǵady. Aýa temperatýrasy túnde -2-4, kúndiz +2+4 gradýs jyly bolady.

15 aqpan kúni túnde jaýyn-shashyn (jańbyr, qar) bolady. Túnde jáne tańerteń tuman, jolda kóktaıǵaq kútiledi. Ońtústik-shyǵys jeli 3-8 m/s jyldamdyqpen soǵady. Túnde -1-3, al kúndiz +5+7 gradýs jyly bolady.

16 aqpan kúni aınymaly bultty bolyp, jaýyn-shashyn bolmaıdy. Túnde jáne tańerteń tuman túsedi. Ońtústik-shyǵys jeli 3-8 m/s jyldamdyqpen soǵady. Aýa temperatýrasy túnde -1+1, al kúndiz +9+11 gradýs jyly bolady.

Qazaqstanǵa sıklon keledi

Buǵan deıin sınoptıkter 15 aqpannan bastap Qazaqstanǵa sıklon keletinin habarlaǵan bolatyn. Ol el boıynsha jańbyr men qar, boran ákelip, birtindep jylynyp, aýa temperatýrasynyń kóterilýine sebep bolady. Ońtústik jáne ońtústik-shyǵys aımaqtarda aldaǵy kúnderi aýa raıy turaqsyz bolyp, jańbyr men qar jaýady. 14-15 aqpan kúnderi keı jerlerde qatty jaýyn-shashyn kútiledi.