Tengrinews.kz / Marjan Kýandykova_
Astanada LRT jańa jelisiniń qurylysy bastaldy
Astanada LRT jańa jelisiniń qurylysy bastaldy
Astana qalasynda jeńil relsti kólik (LRT) jobasynyń ekinshi kezeńin júzege asyrý aıasynda daıyndyq jumystary bastaldy. Bul týraly Infohub.kz aqparat agenttigi habarlaıdy.
City Transportation Systems JSHS habarlaýynsha, qazirgi ýaqytta ınjenerlik-geologıalyq izdenister júrgizilýde.
«Chıngız Aıtmatov kóshesindegi LRT jobasynyń ekinshi kezeńiniń tehnıkalyq-ekonomıkalyq negizdemesi men jobalyq-smetalyq qujattamasyn ázirleý aıasynda topyraqtyń quramy men qasıetterin anyqtaý úshin ınjenerlik-geologıalyq izdenister júrgizilýde», - delingen kompanıanyń habarlamasynda.
Aıta keteıik, bul jumystar LRT jelisin odan ári jobalaý jáne tehnıkalyq sheshimderdi tańdaý úshin qajet.
LRT jobasynyń keleshegi
Buǵan deıin Astana ákimi Jeńis Qasymbek LRT kelesi jelisi Qosshy baǵytynda ótetinin habarlady.
«Qosshy ósip keledi, bul Astanaǵa kóp kómektesetin úlken seriktes qala. Sondyqtan Qosshydan qalaǵa belsendi qozǵalys bar jáne biz osy baǵytta kelesi kezeńdi salatyn bolamyz», - dedi ol.
Eske salaıyq, 2025 jyldyń 29 qyrkúıeginde Astanada LRT synaqtan ótti. Synaqtar keminde alty aıǵa sozylady dep habarlandy. LRT bıyl paıdalanýǵa beriledi dep josparlanýda.
-
Semi qalasyndaǵy turǵynnyń aýlasyna kirip ketken buǵy polısıa qyzmetkerlerine berildi.
-
Italıada ótip jatqan qysqy Olımpıada oıyndarynda temirjolǵa jasalǵan dıversıa saldarynan poıyzdardyń qozǵalysy ýaqytsha toqtatyldy. Qazirgi tańda tergeý amaldary júrgizilýde.
