InfoHub Logo

Semi qalasyndaǵy úıdiń aýlasyna moınyna arnaıy taǵylǵan qurylǵysy bar buǵy kirip ketti. Janýardy polısıa qyzmetkerlerine tapsyrdy. Bul týraly Infohub.kz aqparat agenttigi habarlaıdy.

Ne boldy?

Vodnyı kentiniń turǵyny úıiniń aýlasynan moınyna arnaıy taǵylǵan qurylǵysy bar buǵyny baıqaǵan. Ol bul týraly polısıaǵa habarlaǵan.

Nege bul mańyzdy?

Abaı oblysynyń polısıa departamentiniń baspasóz qyzmetiniń habarlaýynsha, tabıǵatty qorǵaý polısıasynyń ınspektorlary dereý oqıǵa ornyna keldi.

Janýardyń jaǵdaıy

Tekserý barysynda janýardyń sibir buǵysynyń túrine jatatyny anyqtaldy. Buǵynyń denesinde eshqandaı jaraqat bolmaǵan. Janýar adamdarǵa úırenip qalǵan, bul jabaıy janýarlarǵa tán emes. Moınynda arnaıy taǵylǵan qurylǵysy, artqy tuıaǵynda jazylyp ketken jaranyń izi bolǵan.

Mamandar janýardy adamdar kútip baqqan degen qorytyndyǵa keldi. Sondyqtan ony Semeı qalasynyń bıologıalyq ortalyǵyna berdi, onda oǵan qajetti kútim jasalady.

Polısıa jabaıy janýarlardy tabıǵı ortadan óz betinshe alyp ketý Qazaqstan Respýblıkasynyń zańnamasyn buzý bolyp tabylatynyn jáne zańmen belgilengen jaýapkershilikke ákep soǵatynyn eskertti.

Polısıa qyzmetkerleri jaralanǵan, álsiregen nemese ózin qalyptan tys ustaǵan jabaıy janýarlar tabylǵan jaǵdaıda quzyrly organdarǵa nemese 102 arnasyna habarlaýdy suraıdy.