InfoHub Logo

Astanada ýnıversıtettiń burynǵy qyzmetkeri alaıaqtyq jasaǵany úshin sottaldy,dep habarlaıdy Infohub.kz.

Astanadaǵy joǵary oqý oryndarynyń birinde túlekterdi jumyspen qamtýǵa járdemdesý sektorynda jumys istegen áıel stýdentterdi grantqa aýystyryp bere alatynyn aıtyp, olardyń ata-analarynan qomaqty qarajat alǵan. Alaıda, ýádesin oryndamaǵan.

Qalalyq prokýratýranyń habarlaýynsha, 2023-2024 jyldar aralyǵynda ol 15 jábirlenýshiden 3 mıllıon teńgeden astam qarjy ıemdengen. Ol stýdentter men olardyń ata-analaryna akademıalyq úlgerim, grantqa aýystyrý jáne stıpendıany qaıtarý máselelerin «sheship» bere alatynyn aıtyp, senimderine kirgen.

Sot úkimimen eks-qyzmetkerge 3 jylǵa bas bostandyǵyn shekteý jazasy taǵaıyndaldy. Ol probasıalyq baqylaýda bolady. Sondaı-aq, sot onyń kinásin tolyq moıyndaǵanyn, jábirlenýshilerge keltirilgen shyǵyndy ótegenin jáne kámeletke tolmaǵan balalarynyń baryn eskergen.

Sot úkimi zańdy kúshine endi.