InfoHub Logo

Astanada jol qaýipsizdigin arttyrý maqsatynda jańa júıe iske qosyldy. Endi arnaıy kameralar júrgizýshilerdiń qaýipsizdik beldigin taqpaǵanyn nemese kólik júrgizip otyryp, telefonmen sóıleskenin anyqtaı alady. Bul sharalar jol-kólik oqıǵalaryn azaıtýǵa jáne qala joldaryn bosatýǵa baǵyttalǵan.

Bul týraly Infohub.kz aqparat agenttigi habarlaıdy.

Astanadaǵy kólik sany jyl saıyn shamamen 10 paıyzǵa artyp keledi. Qazirgi tańda qalada resmı tirkelgen 456 myńnan astam avtokólik bar, al tirkelmegenderi shamamen 50 myńǵa jýyq. Kún saıyn qalaǵa 100 myńǵa jýyq kólik kirip-shyǵady, bul joldarǵa túsetin salmaqty arttyrady.

Jol qozǵalysyn basqarý júıesi

Qala ákimi Jeńis Qasymbektiń aıtýynsha, kólik qozǵalysyn retteý jáne qaýipsizdikti arttyrý úshin keshendi baǵdarlama júzege asyrylýda. Bul baǵdarlama aıasynda biryńǵaı operator – Jol qozǵalysy ortalyǵy qurylǵan. Ol parkıng, kólik aǵyndary, baǵdarshamdardy basqarý, evakýasıa jáne jol apattylyǵyn azaıtý sharalaryn úılestiredi.

Qazirgi ýaqytta 818 baǵdarshamnyń 582-si avtomattandyrylǵan rejımge kóshirildi. Olar joldyń júktemesine baılanysty óz rejımin ózgertedi.