Ashat Aımaǵambetov bıylǵy mektep túlekteri úshin qandaı artyqshylyqtar bar ekenin aıtty
QR Bilim jáne ǵylym mınıstri Ashat Aımaǵambetov bıyl mektep túlekteri úshin qandaı artyqshylyqtar bar ekenin aıtty.
«Bıylǵy mektep túlekteri úshin UBT-ǵa daıyndalý úshin jaqsy jaǵdaı jasaldy. Birinshiden, olarda úıde otyryp daıyndalý múmkindigi boldy. Ekinshiden, bazadaǵy suraqtar. Úshinshiden, qorytyndy attestasıadan bosatylǵandyqtan, nazaryn test tapsyratyn pánderge ǵana aýdarýǵa múmkindikteri bar», — deıdi Ashat Aımaǵambetov Instagram-daǵy tikeleı efırde.
Ol JOO-ǵa túsken kezde atestat baǵasyn negizge alý kerek dep sanaıtyndarǵa jaýap aıtty.
«Bulaı bolýy múmkin emes. Biz muny múlde qoldamaımyz, sebebi memlekettik grant konkýrstyq negizde. Bul jerde grant alatyn adamǵa obektıvti túrde qaraý kerek. Ekinshiden, bir mektepte alǵan «5» degen baǵa men ekinshi mekteptegi «5» degen baǵa múlde eki túrli. Obektıvtilik bolýy úshin UBT ótýi kerek. Bıyl qańtar aıynda 11-synyp oqýshylary test tapsyryp kórdi. Qazirgi ýaqytta saıtta UBT suraqtary boıynsha 70 nusqa daıyndadyq. Onyń bári — tegin. Munyń bári mektep túlekterine UBT-ǵa jaqsylap daıyndalýǵa múmkindik beredi», — deıdi ol.
You Might Also Like
-
Tótenshe jaǵdaı rejımi aıaqtalǵannan keıin mektep, kolej, ýnıversıtetter qashyqtan jumys isteýin jalǵastyra beredi. Bul týraly QR Bilim jáne ǵylym mınıstri Ashat Aımaǵambetov tikeleı efır barysynda ...
-
Tótenshe jaǵdaıǵa qaramastan bizge kómektesip, vıdeo sabaq daıyndaýǵa kómektesip jatqan 80-90 muǵalim bar. Bul týraly QR Bilim jáne ǵylym mınıstri Ashat Aımaǵambetov Instagram jelisindegi tikeleı ef...
