11 mamyrdan keıin oqýshylar qalaı oqıdy — mınıstr jaýaby
Tótenshe jaǵdaı rejımi aıaqtalǵannan keıin mektep, kolej, ýnıversıtetter qashyqtan jumys isteýin jalǵastyra beredi. Bul týraly QR Bilim jáne ǵylym mınıstri Ashat Aımaǵambetov tikeleı efır barysynda málim etti.
«Prezıdent aıtqandaı, mektep, kolej, ýnıversıtetter qashyqtan jumysyn jalǵastyra beredi. Qashyqtan jumys istep kele jatqanymyzǵa úsh apta boldy. Osylaı jumys isteýge úırenip qaldyq. Bastapqyda týyndaǵan suraqtar qazir joq. Proses júrip jatyr jáne buǵan qatysty úlken másele joq», — deıdi mınıstr.
Sondaı-aq Ashat Aımaǵambetov oqý jyly qashan aıaqtalatynyn aıtty.
«QR Bilim jáne ǵylym mınıstriliginiń buıryǵy boıynsha oqý jylyn keste boıynsha aıaqtaımyz. 25 mamyrda orta bilim berý mekemeleriniń bárinde oqý jyly aıaqtalady», — deıdi ol.
Eske salaıyq, búgin QR Prezıdenti Qasym-Jomart Toqaev málimdeme jasap, tótenshe jaǵdaı rejımi bıylǵy 11 mamyrǵa deıin jalǵasatynyn aıtty.
You Might Also Like
-
QR BǴM Mektepke deıingi jáne orta bilim komıtetiniń tóraǵasy Maıra Meldebekova oqýshylar IV toqsannyń jıyntyq baǵalaýyn (TJB) qashan tapsyratynyn aıtty.
-
QR Bilim jáne ǵylym mınıstri Ashat Aımaǵambetov bıyl mektep túlekteri úshin qandaı artyqshylyqtar bar ekenin aıtty.
