UBT-da tórtinshi toqsanǵa qatysty suraqtar joq — Bilim mınıstri
QR Bilim jáne ǵylym mınıstri Ashat Aımaǵambetov tikeleı efır barysynda bıyl Ulttyq biryńǵaı testileý qashan ótetinin aıtty.
«UTB bizdiń elde keste boıynsha jyl saıyn maýsym aıynyń sońy men shilde aıynyń basynda ótedi. UBT-ǵa daıyndalý úshin ýaqyt jetkilikti ekenin kórip otyrsyzdar. Maýsym aıynyń sońynda qazirgi jaǵdaı ózgeredi dep oılaımyz. UBT-ny dástúrli túrde ótkizetinimizge úmittenemiz. Birinshiden, UBT — ótedi. Ekinshiden, onyń formaty ózgermeıdi. Úshinshiden, ótý ýaqyty da ózgermeıdi», — dedi mınıstr.
Degenmen, A.Aımaǵambetov pandemıaǵa baılanysty ahýal ózgermegen jaǵdaıǵa UBT-ny ótkizýdiń ózge nusqalary qarastyrylyp jatqanyn jetkizdi.
«Ádiskerler, İT mamandardan quralǵan top bar. Olarmen birigip UBT-nyń eki nusqasyn daıyndap qoıdyq. Pandemıa jaǵdaıy jaqsarmasa, ekinshi nusqany qoldanamyz. Buryn aıtqanymdaı, «B» josparyn qoldanamyz. Biz 11-synyptar úshin qorytyndy attestasıany alyp tastadyq. Bul UBT-ǵa jaqsyraq daıyndalý úshin múmkindik beredi. Bıyl test suraqtary ishinde 99% tórtinshi toqsanǵa qatysty suraqtar joq», — deıdi ol.
You Might Also Like
-
Bilim jáne ǵylym mınıstrligi qashyqtan oqytýǵa baılanysty bólimdi jıyntyq baǵalaý (BJB) men toqsandaǵy jıyntyq baǵalaý (TJB) máselelerin tikeleı efırde talqylady. Taraptar birigip, ádistemelik usyny...
-
1, 2, 3-kýrs stýdentteriniń sesıasyna qatysty ár JOO ózi sheshim qabyldaýy kerek. Bul týraly QR Bilim jáne ǵylym mınıstri Ashat Aımaǵambetov Instagram jelisindegi tikeleı efır barysynda aıtty.
