Asqat Aımaǵambetov: Dısertasıaǵa qajet jarıalanymdarǵa qoıylatyn talaptar ózgerdi
Dısertasıany qorǵaý kezindegi jarıalanymdarǵa qoıylatyn talaptar qaıta qarastyryldy. Bul týraly búgin óziniń Facebook paraqshasynda QR Bilim jáne ǵylym mınıstri Asqat Aımaǵambetov jazdy.
«QR Bilim jáne ǵylym mınıstrliginiń tıisti buıryǵy QR Ádilet mınıstrliginde tirkeldi. Buǵan deıin doktorant qorǵaý kezeńine deıin jetý úshin 7 maqala jarıalaýy tıis bolatyn. Bul kórsetkishke qol jetkizý úshin doktoranttar sapasy kúmán týdyratyn jýrnaldarda jarıalanymdar jasaýǵa májbúr boldy. Bizdiń ǵalymdardyń maqalalary halyqaralyq bazalardan alynyp tastalǵan, túkke turmaıtyn jýrnaldarda jarıalanǵan kezder de boldy.
Osyǵan baılanysty biz bul tájirıbeni ózgertý jóninde sheshim qabyldadyq», — dedi Bilim jáne ǵylym mınıstri.
Onyń sózinshe, endi sapasy tómen jýrnaldarda 7 maqalanyń ornyna, joǵary kvartılge kiretin basylymdarda maqalalar jarıalansa jetkilikti. Al birinshi kvartıl quramyna kiretin jýrnaldarda bir ǵylymı maqala shyqqan bolsa, ózge jarıalanymdar talap etilmeıdi.
Bul shara sapasyz jarıalanymdardyń sanyn azaıtyp, júktemeni jeńildetedi jáne ǵalymdardy dáıeksózderi taralý boıynsha joǵary deńgeıdegi orıgınaldy ǵylymı maqalalar jazýǵa yntalandyrady.
You Might Also Like
-
Bilimdi bolý degen sózdiń maǵynasy – belgisiz nárseni ashýǵa qabiletti bolý degen uǵym.
-
Dúnıeden qaıtqasyn Jırensheni qarap baptap kútip turýshy bolmaǵasyn, Jırensheni han óz saraıyna kelip turýǵa ámir etipti deıdi. Sonan Jırenshekeń hannyń saraıyna kelip turǵan, sońǵy jerde óz úıin saǵyn...
