InfoHub Logo

Atyraý oblysy Qyzylqoǵa aýdany Jangeldın aýylynda qaıǵyly jaǵdaıda qaza tapqan otbasy isine qatysty jańa, túsiniksiz jaıttar anyqtaldy. Bul týraly «KTK» arnasynyń tilshisi Janar Moldasheva habarlady.

Jýyrda marqum erli-zaıyptylar Maqsot Qarabalın men Násip Óteshqalıevanyń, sondaı-aq olardyń balalary Naýryz Muqanǵalıev pen Meıramgúl Qarabalınanyń zıraty turǵyzylǵan bolatyn. Sol kúni qaraly úıde Quran oqytylyp, aǵaıyn-týys pen aýyl turǵyndary jınaldy.

Osy jıyn barysynda marqumdardyń jaqyndary kútpegen jaǵdaıdy aıtyp berdi. Olardyń sózinshe, jýyrda belgisiz bireý qaraly úıdiń esiginiń aldyna kilt tastap ketken. Marqumnyń týystarynyń biri úıge jıi kelip, nan pisirip, ıis shyǵaryp júrgen. Kezekti kelgen sátinde tabaldyryqta jatqan kiltti baıqap, sol kilt arqyly úıdiń esigin ashqan.

Bul jaıt týystardyń kúdigin kúsheıte túsken. Olar bul iske kúıeý baladan bólek, taǵy bireýdiń qatysy bolýy múmkin be degen oıǵa keldi. Qazirgi tańda bul jaǵdaıǵa qatysty naqty málimetter anyqtalýda.