InfoHub Logo

Atyraýda Qarabalınder áýletiniń qaıǵyly qazasyna qatysty qylmystyq is boıynsha sot otyrysy bastaldy. Bul iste Sultan Sársemálıev aıyptalýshy retinde jaýap berip otyr. Tergeý nusqasy boıynsha, ol qaıyn jurtynyń ólimine qatysy bar ekenin moıyndaǵan.

Bul týraly Infohub.kz aqparat agenttigi habarlaıdy.

İs boıynsha kúdiktiniń izi qalaı anyqtaldy?

Atyraý oblystyq polısıa departamenti tergeý basqarmasynyń asa mańyzdy ister jónindegi aǵa tergeýshisi Temirhan Qajymuratov sotta kúdiktiniń izi qalaı tabylǵanyn baıandady. Onyń aıtýynsha, tergeý barysynda 40-tan astam adamnan jaýap alynǵan. Olardyń qatarynda marqumdardyń týystary, kórshileri jáne oqıǵaǵa qatysty aqparat bere alatyn azamattar boldy.

Bank shoty men taksı júrgizýshisiniń jaýaby

Tergeýshiniń sózinshe, alǵashqyda erli-zaıyptylar iz-tússiz joǵalǵandar retinde tirkelgen. Keıin polısıa olardyń bank esepshottaryn tekserip, aqsha qozǵalysyn, qarajattyń qaıda jáne qashan jumsalǵanyn anyqtaýǵa kirisken.

«Aldymen esepshottar tekserildi. Aqsha tústi me, qaı jerde jumsaldy – bári qaraldy. Sol kezde kúdikti Sársemálıevtiń shotyna aqsha aýdarylyp júrgeni belgili boldy. Keıin aýylǵa aparyp-ákelgen taksı júrgizýshisi anyqtaldy. Ol qarasha aıynda erli-zaıypty men balasyn jetkizgen. Qaıtar jolda onyń janynda Meıramgúl Muqanǵalıeva da bolǵan», – dedi Temirhan Qajymuratov.

Qazir sotta qylmystyq istiń barlyq mán-jaıy qaralyp jatyr. Tergeý tarapy bul isti asa aýyr qylmys retinde baǵalap otyr. Aıyptalýshyǵa qatysty túpkilikti sheshimdi sot qabyldaıdy.