InfoHub Logo

Pavlodar oblysynda aýyl mektepteri daryndy balalarǵa arnalǵan oblystyq mektepterdiń úzdik tájirıbelerin qoldanady. Bul bilim berý basqarmasynyń bilim sapasyn arttyrý maqsatynda qolǵa alǵan tyń jobasy. Osy joba negizinde qalamyzdaǵy №8 lıseı-mektebi men Jelezın aýdanynyń bilim berý bólimi arasynda birlesken ózara árekettestik pen kásiptik qoldaý týraly kelisimge qol qoıylǵan.

№8 lıseı mektebinde bilikti de bilimdi tájirıbeli muǵalimder jumys jasaıdy. Bilim  ordasy olımpıadalyq jetistikterimen oblys atyn halyqaralyq dárejege shyǵaryp júrgen shákirtterin maqtan tutady. Sondyqtan aýyldyq jerde jumys jasaıtyn pedagogtarmen óz tájirıbemizdi bólisýde osy faktorǵa erekshe kóńil bólindi. Osy baǵytta tıimdi ózara árekettestik formalary men ádisteri belgilendi.

Jelezın aýdanynyń mektepteri lıseıdiń olımpıadalyq qozǵalysyna qatysyp jatyr. Ótken jyly Jelezın aýdanynyń oqýshylary lıseı negizin qalaýshy V.P. Nıkıtenko atyndaǵy baǵdarlamalaý men matematıkadan Zıatkerlik olımpıadaǵa qatysyp, kúrdeligi joǵary deńgeıdegi matematıkalyq esepter sheshý tájirıbesine ıe boldy.

---