InfoHub Logo

 Bilim berýdi damytýdyń ınovasıalyq ortalyǵynyń mektepke deıingi bilim berý bólimi onlaın rejıminde sábıler baqshasy men shaǵyn ortalyqtardyń tárbıeshilerine arnalǵan “Erte jastaǵy balalardy damytý men áleýmettendirýdiń erekshelikteri” taqyrybynda dóńgelik ústel ótkizdi Dóńgelek ústelge qatysýshylar jas balalardy áleýmettendirý men damytýdyń ózekti máselelerin jáne olardy ártúrli is-sharalar arqyly sheshý joldaryn qarastyrdy. Jelezın aýdanynyń “Balaýsa” ortalyǵynyń tárbıeshisi B.J. Nýrahmetova jáne Pavlodar aýdanynyń «Aıala» sábıler baqshasynyń tárbıeshisi G.M. Rahımbekova qazirgi qoǵamda erte jastaǵy balalardyń áleýmettenýiniń erekshelikteri týraly aıtyp berdi. Sharbaqty aýdanynyń «Baldáýren» sábıler baqshasynyń tárbıeshisi T.A. Lobanova jáne Alǵabas aýylynyń K. Kamzın atyndaǵy JOBBM janyndaǵy shaǵyn ortalyǵynyń tárbıeshisi S.T. Aıtýǵanova óz baıandamalarynda balalardy áleýmettendirý úderisinde usaq motorıkany damytýdyń rólin ashty. Ýspen aýdanynyń “Balapan” sábıler baqshasynyń tárbıeshisi Sh. I. Moldagazınova oıyn tehnologıasy jáne ertegi terapıasy arqyly mektep jasyna deıingi balalardy erte áleýmettendirý jónindegi jumys tájirıbesimen bólisti. Qatysýshylar belsendi ádisterdi qoldaný jáne erte jastaǵy balalardy áleýmettendirý joldaryn «Jelezın aýdanynyń №1 NOBBM» janyndaǵy «Balaýsa» shaǵyn ortalyǵynyń tárbıeshisi Sh. D. Zaıkenova men Sharbaqty aýdanynyń Abaı Qunanbaev atyndaǵy JOBBM mektepaldy synybynyń tárbıeshisi G.K. Aqpaevanyń jumysynan kóre aldy. Dóńgelek ústelge qatysýshylar semınardyń praktıkalyq baǵyttylyǵyn atap ótti, ol óz tájirıbesin damytýdyń jańa tıimdi múmkindikterin anyqtaýǵa múmkindik beredi.

Baǵdáýlet NURMAT

---