«Avtokóliktiń kiltin berdi» Maqataevtyń uly atyshýly bloger Alısher Temenovty «Muqaǵalı sorly erkek» degen sózin keshirdi
Almatyda atyshýly daýly iske núkte qoıyldy: Naýryzbaı aýdandyq soty poezıa alyby Muqaǵalı Maqataevty qorlaǵany úshin jaýapqa tartylǵan bloger Alısher Temenovke qatysty qylmystyq isti toqtatty. Bul sheshim — poettiń uly Juldyz Maqataevtyń kútpegen keshiriminiń nátıjesi.
Buǵan deıin Juldyz Maqataev blogerden moraldyq ótemaqy retinde 10 mıllıon teńge talap etken edi. Alaıda, búgin sot otyrysynda ol talabynan bas tartyp, isti toqtatýdy surady.
Sýdıa sheshim shyǵarýǵa ketip bara jatqanda, bloger Juldyz Maqataevqa 2 mıllıon teńgeni qolma-qol ustatyp, óziniń avtokóliginiń kiltin de tabystady. Taǵy 1 mıllıon teńgeni 10 kún ishinde jetkizetinin aıtyp, keıin avtokólikti qaıtaryp alýǵa úmit artty.
Temenov óz áreketi úshin tek Juldyz Maqataevtan emes, búkil qazaq halqynan keshirim surap, arnaıy beınejazba jarıalaýǵa ýáde berdi.
Bul oqıǵa qoǵamda keń rezonans týdyryp, óner ıelerine qurmet pen sóz bostandyǵy arasyndaǵy shekarany taǵy bir ret oı eleginen ótkizýdi talap etti.
You Might Also Like
-
Qazaqstan Prezıdenti Qasym-Jomart Toqaev 2029 jyly óziniń ókileti aıaqtalǵan soń, memleket basshysy qyzmetinen ketetinin málimdedi. Bul týraly ol halyqaralyq Al Jazeera telearnasyna bergen suhbatynda...
-
Batys Qazaqstan oblysy, Terekti aýdany – Alaıaqtar bir otbasynyń senimine kirip, olardy bir aı boıy aldap, nátıjesinde 20 mıllıon teńge kólemindegi qarajatynan aıyrǵan. Bul jaıly Qazaqstan telearnas...
