InfoHub Logo

Ahmet Baıtursynov 20 ǵasyrdyń basyndaǵy ult – azattyq qozǵalysy jetekshileriniń biri, qazaq halyqynyń til bilimi men  ádebıet ǵylymdarynyń negizin salýshysy, Alash-Orda úkimetiniń múshesi, pýblısıs, qazaqtyń ult zıalysy. Qazaq halqynyń otarshyldyq saıasatynan qutqaryp, qarańǵy halyqtyń saýatyn ashyp, táýelsiz el bolýǵa umtyldyrǵan osy Ahmet Baıtursynov bolatyn. Ol óziniń jazǵan óleńderinde Patshalyq Reseıdiń qanaýshylyq – otarshyldyq saıasatyn, baılardyń aldynda qurdaı jorǵalaǵan sheneýnikterdiń opasyzdyǵyn synǵa alyp otyrdy.

Arab grafıkasyna negizdelgen qazaq álipbıin Ahmet Baıtursynov qolǵa alyp, jetildirgen bolatyn. Ahmet Baıtursynovty  pýblısısıkalyq jaǵynan qaraıtyn bolsaq, ár túrli janrda syr shertken. Onyń gazet betterine synı maqalalary, hattary jáne qoǵamdyq máselelerdi kótergen problemalyq maqalalary jarıalanyp otyrǵan. Endigi kezekte onyń pýblısısıkalyq erekshelikteri týraly aıtyp óteıik. Birinshiden, ózindik  avtorlyq ustanymy bar. Ekinshiden, oıdy údetpeli túrde berip, bir baǵytta jyljyta otyryp, ındýksıa tásilimen oı tolǵaıdy. Úshinshiden, frazeologızmderdiń mol qoldanysy. Gazet materıaldarynda halyqtyń qoǵamdyq - áleýmettik máselelerin kóterip, olardyń sheshý joldaryn usynady. Damýdyń negizgi baǵyttaryn anyqtap, ony halyqqa túsinikti tilmen jetkizip otyrdy. Jáne eń sońǵysy gazet halyq tiline jaqyn bolýyn talap etti. Halyqtyń qamy úshin jazylǵan nárse halyqqa jaqyn bolýy kerek dep túsingen. Ahmet Baıtursynov - qazaq halqynyń jaǵdaıyna qatty alańdady. Shyn nıetpen qazaq halqynyń ult bolyp saqtalýyna ári bolashaǵynyń jarqyn bolýyna kómek kórsetti. Ahmet Baıtursynov pen Mirjaqyp Dýlatuly redaktor bolǵan "Qazaq" gazetiniń de alatyn orny erekshe. Qazaqtyń qamyn oılap, "demokratıa" uǵymyn bıikke kótergen basylymdardyń biri boldy. Ahmet Baıtursynov týraly jáne onyń pýblısısıkalyq qyryn arnaıy  zerttegen maqalalar, eńbekter bar (Syzdyqova R, Majıtaeva Sh., Ernazarova G., t.b.).

Ahmet Baıtursynov -  qazaq memleketiniń qalyptasýynda eleýli oryn alatyn uly tulǵa.

---