InfoHub Logo

2004 jylǵy suhbattarynyń birinde Zaglúl án-Nadjar (mysyrlyq ǵalym, geolog) bir jyldan astam ýaqyt boıy Kardıff ýnıversıtetiniń medısına bóliminde leksıa oqyǵanyn aıtty. Sol leksıaǵa musylman jáne musylman emes ǵalymdar qatysyp «Quranda baıandalǵan ǵajaıyptardyń ǵylymı dálelderi» taqyrybynda qyzý dıalog ótken.

Májiliske qatysýshylardyń biri — anglıalyq Dáýid Musa Pıdkok (1975 jyly ıslam dinin qabyldap, musylman boldy) bylaı deıdi: «Men musylman bolmas buryn ártúrli dinderdi zerttedim. Kúnderdiń birinde bir musylman stýdent maǵan Quran kitabyn syılady. Úıge kelip Qurandy ashqanymda kózime «ál-Qamar» («Aı») súresi tústi. Sol súreniń: «Qıamet kúni jaqyndady, aı jaryldy...» degen jerin oqyp qaldym. «Bul múmkin be? Aı jarylyp, keıin qaıta qosyla ma?» degen suraq qoıdym. Keıin kitapty jaýyp óz sharýalaryma kiristim. Bir ýaqytta teledıdardy qostym, onda telejúrgizýshi men NASA ǵaryshtyq kemesiniń úsh ǵalymy arasynda pikirtalas júrip jatyr eken.

Telejúrgizýshi olardyń aıǵa baryp Amerıkanyń týyn tigý úshin qanshama mıllıardtaǵan dollardyń jýmsalǵanyn, odan da basqa jer betinde áleýmettik problemalardyń bar ekenin, ash-jalańash adamdardyń kóbeıip kele jatqanyn aıtyp sókti.

Áńgime bylaı órbidi:

Telejúrgizýshi:

— Sizder Amerıka týyn aıǵa tigý úshin ǵana júzdegen mıllıard dollar jumsadyńyzdar ma? — dedi. Sonda NASA ǵalymdarynyń bergen jaýaby meni tańqaldyrdy.

— Joq, biz aıdyń ishki qurylysyn zerttep, onda ǵajap jańalyq ashtyq. Bir kezderi aı ekige bólinip, sosyn qaıta qosylǵan eken, — dedi. Qulaǵym eleń ete qaldy.

Telejúrgizýshi:

— Bul týraly qalaı, qaıdan bildińizder?

Olar:

— Biz aıdy aınaldyra orap, onyń betki jaǵynan ishki qoınaýyna deıin jalǵasqan anomalıalyq qubylysty anyqtadyq, Geolog ǵalymdar bizge mundaı qubylystyń tek aı ekige jarylyp, keıin qaıta qosylǵan kezde ǵana bolýy múmkin dep túsindirdi.

Sol sátten soń Islam dinin qabyldap mumylman boldym.

Oqýǵa keńes beremiz:

Ǵarysh keńistiginen túngi Italıa (FOTO)

Ǵalamshar kórinisi - Habbl teleskoby kómegimen

NASA 60 jyl ǵaryshty zerttep, tamasha fotosýretterdi jarıa etti

---