InfoHub Logo

Erler er adamǵa uqsas áıelderdi unatpaıdy, biraq olarǵa uqsamaıtyndardy da unatpaıdy. Unatpaı júre berýdiń ornyna áıel adamnyń erekshelikteri men psıhologıasyna mán berý kerek. Áıelder – basqasha. Názik jandylardyń eń basty erekshelikteriniń biri – qubylmalylyǵy. Áıel adam as úıde – aspaz, qonaqtardyń aldynda – patshaıym, jumys ornynda – isker, qurbylarynyń janynda – sezimtal. Sonda ol qandaı áıel?

Qubylmalylyq qasıetinen basqa, onyń kóp sóıleýi de bar. Olar 2-3 saǵattap qurbylarymen, anasymen sóılese alady. Jáne bul er adamdardy ashýlandyrýy múmkin. Biraq bul jaǵdaıda ashýlanýdyń esh sebebi joq, óıtkeni áıel adamnyń kóp sóıleýi birqatar fýnksıalar atqarýy múmkin. Ádette, er adamdar belgili bir maǵynamen, tezıske súıenip otyryp sóıleıdi. Al, áıelder basqasha. Sóılesý – olar úshin óziniń qandaı ekenin kórsetý, oıyn jetkizý tásili.

Qurbylardyń jınalyp, problemalary jaıly áńgimelesýi – kópke tanys jaǵdaı. Bul – olar úshin psıhologqa barǵanmen teń. Sebebi, olar ishinde ustap júrgen bar máseleni jetkize alady, emosıasyn syrtqa shyǵara alady, sonymen qatar keri baılanys alady. Qurbylarymen kezdesý – kóptegen áıelderdiń súıikti hobbıi. Jáne áıel adam osydan ishteı rahattanady.

Bul jerde jazylǵannyń bári - shyndyq, jáne basqa da shyndyqtar bolýy múmkin.

Aıarý Dáýlet

---