InfoHub Logo

Ótken ǵasyrda, Batys Qazaqstandaǵy tórelerdiń aýylynda elge qadirli, sheber dombyrashy atanǵan Hanym degen qyz bolypty. Sol aýylda Hanymnyń jasynan súıgen Ospan atty jigiti bar eken. Ospan sińiri shyqqan kedeı bolady.

Bir aýylda júrse de, bul eki jas ata zańynan attap, bir-biri ne qosyla almaıdy. Sóıtip júrgende Hanymdy bir baıdyń balasyna uzatady. Ospan bolsa, eldegi bir kedeıdiń qyzyna úılenedi. Jalshylyqta júrgen Ospan Orynbor, oıyl jármeńkelerine baıdyń malyn aıdap jıi barady eken. Sondaı saparlarynyń birinde Ospan orynbordan Hanymǵa arnap eskertkish retinde bir ádemi aına ákelip, kózimdeı kórip júr dep syıǵa tartypty. Arada birneshe jyl ótip, Hanym elde qalǵan Ospandy oılap, esine túsirý úshin aınaǵa qaraıyn dese, aına joq bolyp shyǵady. Sonda Hanym dombyrasyn alyp, «Kóshken jurtta aınam qaldy» dep kúı tartypty. Sóıtip, halyq arasynda Hanymnyń bul kúıi «Aınam qaldy» atanyp ketken.

 

---