InfoHub Logo

Shyǵys Qazaqstan oblystyq
daryndy balalarǵa arnalǵan
Mamandandyrylǵan qazaq - túrik lıseıi»
KMM pedagog - psıholog
Jumaǵalıeva Aqbota Talǵatbekqyzy

Sabaqtyń taqyryby: «Bala baqytyn ulyqtaǵan – jan!»
Maqsaty: Oqýshylarǵa ana mahabbaty, onyń názik júrekti jan, onyń óz balasynan basqa ózge jandarǵa janashyr tulǵa, bala baqytyn jyrlaıtyn ana ekendigin túsindirý.
Bilimdilik: Oqýshylarǵa «baqyt», «ana júregi», «adamgershilik tárbıe» uǵymdary jaıly túsinik berý;
Tárbıelik: Oqýshylarda bir - birine, qorshaǵandarǵa degen meıirimdilikke tárbıeleý;
Damytýshylyq: Oqýshylardyń boıyna súıispenshilik, meıirimdilik qasıetterin qalyptastyrý;
Sabaqtyń túri: trenıń
Pán aralyq baılanys: psıhologıa, mádenıettaný, áleýmettaný, qarym - qatynas psıhologıasy, pedagogıka.
Kórneki qural - jabdyqtar: slaıd, plakattar (tilek aǵashy men kún sáýlesi beınesi), úntaspa, vıdeobeıne, dáıeksóz, kitap kórmesi, sýret kórmesi.

İ. Uıymdastyrý kezeńi 1. Shattyq sheńberi (3 mın)
Oqýshylar sheńber quryp, bir - birimen amandasady. Bir - birine jaǵymdy kóńilkúı syılaıdy.

2. Oqýshylardy túgendeý.

İİ. Negizgi bólim:
Muǵalim sózi: «Naǵyz parasatty aǵartýshylyq bizdiń aqylymyzdy da, ǵuryptarymyzdy da ózgertedi».
Búgingi aǵartý tek bilimder jıyntyǵy ǵana emes, sonymen birge balalar boıynda ar - ojdan, azamattyq jáne adamǵa degen súıispenshilikti qalyptastyrýǵa múmkindik beretin rýhanı jáne adamgershilik qasıetterdi damytýdy kózdeıdi. Qazaqstannyń birinshi hanymy, «Bóbek» qorynyń Prezıdenti Sara Alpysqyzy Nazarbaeva bilim berýdegi jańa kózqaras – adamgershilik - rýhanı aǵartýdyń avtory bolyp tabylady. Bul joba «Ózin - ózi taný» degen atqa ıe bolyp, respýblıkada 2002 jyldan beri qoldanylyp keledi. (slaıd kórsetý, Sara
Alpysqyzy fotosýretteri)
Qazirgi kezde balany jan - jaqty damyǵan tulǵa retinde tárbıeleý isine kúsh - jigerdi jumyldyrýdyń mańyzy zor.
Osy maqsatpen búgingi sabaǵymyzdy «Bala baqytyn ulyqtaǵan - jan, Sara
Alpysqyzy Nazarbaevaǵa» arnaımyz

Sara Alpysqyzy Nazarbaeva 1941 jyldyń 12 aqpanynda Qaraǵandy oblysy Qyzyljar selosynda dúnıege keldi. 1962 jyly N. Á. Nazarbaevqa turmysqa shyqty, úsh qyzy, nemereleri, shóbereleri bar.
1992 jylǵy aqpan aıynan bastap — «Bóbek» respýblıkalyq balalar qaıyrymdylyq qorynyń negizin qalaýshy jáne prezıdenti. Qor ósip kele jatqan urpaqtyń quqyqtary men zańdy múddelerin qamtamasyz etýmen baılanysty máselelerdi sheshý, balalarǵa adamgershilik - rýhanı bilim men tárbıe berýde qoǵamǵa naqty kómek kórsetedi. «Bóbek» respýblıkalyq qory respýblıkanyń barlyq aımaqtarynda jetim jáne múmkindigi shekteýli balalaryna, kóp balaly otbasylardyń balalaryna qoldaý jáne kómek kórsetý boıynsha balalar qorlaryn uıymdastyrdy.
Osyndaı ıgi maqsatpen bizdiń lıseıde de qaıyrymdylyq qory uıymdastyrylyp, birneshe balalarǵa kómek berildi, Lıseıimizdiń jan ashyrlaryna ata - analar men oqýshylarǵa alǵysymyzdy bildirip qol shapalaqtaıyq.

3. «Meniń kóńil - kúıim?» jattyǵý (5 mın)
Ár oqýshy ózine unaǵan túrli tústi fıgýranyń bireýin tańdaıdy.
Interprıtasıa: al qyzyl – qýanyshty kóńil - kúı, jasyl – unamdy kóńil - kúı sary – sabyrly kóńil - kúı,
Qaǵazdyń artyna sol túske baılanysty jazylǵan ınterprıtasıany oqıdy. Mysaly: Almas qyzyl tústi tańdasa, onda Almastyń kóńil - kúıi óte qýanyshty kúıde ekenin bilýge bolady

4. «Sıqyrly qobdısha» jattyǵýy (8 mın)
Maqsaty: Oqýshylardyń ózderine degen senimdilikti qalyptastyrý, nyǵaıtý. Tapsyrmany oryndaý úshin qobdısha kerek. Onyń ishinde domalaq aına bolady. Barlyq bala kózderin jumady. Osy qobdıshany alǵan ony ashyp, ishine qaraıdy. Onyń ishinde kishkentaı sıqyrly ózennen sender jan - jaqty jáne qaıtalanbaıtyn beıneni kóresińder. Oǵan kúlip qaraýlaryn kerek. Barlyǵy qarap bolǵan soń, júrgizýshi suraq qoıady: Jan - jaqty qaıtalanbaıtyn beıne kim bolyp shyqty? Sıqyrly ózennen ózderińdi kórgende qandaı sezimde boldyńdar?

5. «Syılyq oıyny» (10 mın)
Maqsaty: refleksıa prosesin kúsheıtý, ujymda jaǵymdy psıhologıalyq ahýal ornatý, top músheleriniń birin - biri túsinisýge, ujymda tulǵaaralyq qarym - qatynastyń mańyzdy sapalaryn ashý.
Oıynǵa qatysýshylar sheńber quryp turady. Qazir sizder bir - birlerińizge, ıaǵnı ózińizdiń sol jaqta turǵan kórshińizge syılyq syılaısyz. Kórshińizge qandaı syılyq jasaısyz, syılyqty únsiz ym - ıshara arqyly kórsetip beresizder. Sizdiń kórshińiz nendeı syılyq syılap jatqanyn túsinetindeı jasaý kerek.. Barlyǵy syılyqtaryn alyp bolǵansha eshteńe aıtylmaıdy. Barlyǵy únsiz jasalady.