InfoHub Logo

Maqsaty:
Balalardy analardyń ólsheýsiz eńbegin baǵalaı bilýge úıretý. Anasyn súıý arqyly eline, jerine degen súıispenshiligin arttyrý. Dúnıedegi jaqsylyq ataýlynyń barlyǵyn kúnniń nurynan, ananyń meıiriminen taraıtyndyǵyn uǵyndyrý. Balalardy meıirimdilikke, baýyrmaldyqqa, úlkendi syılaýǵa, balanyń eń asyl ardaqty adamy – anany qadirleı bilýge tárbıeleý.
Balalardyń anaǵa degen adamgershilik qasıetterin oılaý qabiletin, sóz mánerin este saqtaý qabiletin damytý.
Sálemdesý.
Kúnniń kózi ashylyp
Kókte shýaq shashylyp
Qutty qonaq kelipti
Tórimizge enipti
Amandasý úlkenge
Tárbıeniń basy ǵoı
Al, qanekeı bárimiz
«Sálem» deıik úlkenge
Sálemetsizder me apaılar
(Balalar oryndaryna otyrady.)

Tárbıeshi.
Búgin bizdiń balabaqshada dúbirli toı
Den qoıyp tyńdańyzdar, kóńildi qoı.
Jyrdan shashý shashylsyn, kúı kúmbirlep,
Qosh keldińizder, halaıyq, sergisin boı.
Balalarǵa eń jaqyny siz ǵoı ana,
Sizdiń ystyq qushaǵyńyz bizge pana
Sizderge teńistirer eshnárse joq
Teńese alar biraq nárse, Otan ǵana.

Qurmetti ata – analar, qyz – qyzǵaldaqtar, qadirli ustazda! Qar astynda qalqıyp, báısheshek boı kótergende, kóktemniń alǵashqy habarshysy bolyp analar merekesi keledi.

Báısheshek sonshalyqty náziktigine qaramastan qalyń qar astynan búrshik atady. Bizdiń asyl analarymyz da báısheshekteı barlyq qıynshylyqqa tózimdi.
Analar kóktemgi gúldeı jarqyrap, gúl merekelerińiz, kún merekelerińiz qutty bolsyn!
Balabaqsha arýy saıysymyzdy bastaýǵa ruqsat etińizder.
Al qurmetti halaıyq
Merekeni bastaıyq
Arýlardy áýenmen
Qoshemetpen qarsy al
Eleýsiz Tolǵanaı
Keneshova Anel
.....
(Arýlar nómirlerin alady)

Kimder júırik ónerpazdy bileıikshi
«Balabaqsha arýy» dep júreıikshi
Ádilqazy alqasynan ádildikti
Al arýlarǵa sáttilik tileıikshi,- deı kele ádil qazylar alqasymen tanysaıyq.
1. Balabaqsha meńgerýshisi: Dostanova Ásel Jangeldiqyzy
2. Tárbıeshi: Roza apaı
3. Ata – ana: Rımma apaı.

Qurmetti kórermender saıysymyzdyń shartymen tanystyryp óteıik.
«Men qazaqtyń qyzymyn» (ózin - ózi tanystyrý)
«Ónerli órge júzer» (óner saıysy)
«Ana» týraly taqpaq aıtý
«Sulýlyq syry» (sán úlgisi)
«Men anamnyń gúlimin» (býklet daıyndaý)
«Balapanǵa syılaımyn» qolóner buıymdary)

I týrymyz.
Óner qýyp arýlar óter deımiz
Bir basyna óneri jeter deımiz
Balabaqsha arýlarymen kezdesip
Tanystyryp ózderin ótse deımiz.
(Arýlar ózderin tanystyrady.)
Tárbıeshi:
Qutty bolsyn osy shattyq kúnimiz
Baqytty da uzaq ómir súrińiz
Qýanyshty júzińizben árdaıym
Bul ómirde kúlip qana júrińiz.
Án. Sansyzbaeva Áıgerim: «Aıaýly anashym»

II týrymyz.
Al kimniń óneri bar qanshalyqty
Bı bılep, al bireýi án salypty
Búgingi saıysta báıge alýǵa
Arýlar aıanbaı – aq jan salypty.
«Óz ónerin kórsetý»

Balalar analaryna, ájelerine arnalǵan taqpaqtaryn aıtyp, syılyqtaryn beredi.(óz qoldarymen jasaǵan)
Ana – bizdiń kúnimiz
Ananyń biz gúlimiz
Balalardy qýantyp,
Uzaq ómir súrińiz – dep, «Ana» týraly taqpaq aıtaıyq.

IV týrymyz.
Gúl kóktemniń erekshe appaq nurysyń
Qyzdarymyz ádemi ásem gúlisiń
Jarasymdy balaǵa, búgingi kún
Usynamyz jańasha sán úlgisin.

V týrymyz.
«Men anamnyń gúlimin»
(býkletterin tapsyrady, árbir ata – ana tanystyrý)
Ánshi, bıshi balalar
Ártisterdeı boldyńdar.
Kórsetip bar ónerdi,
Tańqaldyryp turyńdar!
Balapan tobynyń bıshileriniń oryndaýynda «Túrik» bıi.

VI týrymyz.
Sheberlerim óner tamyp qolynan
Jańylmaǵan ata – baba jolynan
Sheber qoldap óz ónerin kórsetsin
Biz aıtaıyq tóreligin sońynan.
«Balapanǵa syılaımyn» úı tapsyrmasy
(Qoldan jáne tabıǵı buıymdar tapsyrady).

Myń buralyp bılegen
Kim bar eken sulý qyzdy súımegen
Bıshilerimiz bar «Grýzın» bıin bılegen.
Uldar qyzdarǵa syılyq usynady.

Ádil qazylarǵa sóz bereıik
Quttyqtaý sózi ata – anaǵa
Balabaqsha meńgerýshisi: Dostanova Ásel Jangeldiqyzyna beriledi.

Balabaqsha arýy saıysymyz aıaqtaldy. Saý bolyńyzdar!