InfoHub Logo

Oıynshyqtarym kóp meniń,
Bárin jaqsy kóremin.
Keshke deıin jalyqpaı,
Birge oınap júremin.

*****
Oıynshyǵym qýyrshaq,
Ne bersem de jemeıdi.
Erkeligi sonshama,
Kótermesem júrmeıdi.
Oıynshyqtardy shashpaımyn,
Túımemdi ózim qadaımyn.
Jýyp jeımin únemi,
Alma, almurt, shıeni.
Sýdy jaqsy kóremin,
Qashanda taza júremin.
Kúshik, mysyq, balapan,
Qýyrshaǵym balaqan.
Káne, báriń turyńdar,
Oıyn saýyq quryńdar.
 
*****

Bala, bala, balamyz,
Baqshamyzǵa baramyz
Kúni boıy qyzyqqa
Batamyz da qalamyz
Qıynsynyp qashpaımyz,
Shynyǵamyz jastaı biz –
Kóńildi áýen sazymen,
Jattyǵýdy bastaımyz ...
Úırenemiz óner biz,
Shetimizden shebermiz.
Taqpaq aıtyp, án shyrqap,
Bılep-bılep beremiz.

*****

Tazalyq pen Uqyptylyq

Dos bol sabyn, sýmen sen,
Jıi-jıi jýyn sen:
Tańerteńde, keshte de,
Jýyn kúndiz – túste de,
Jýyn tamaq aldynda,
Jýyn tamaq sońynda.

Jýyn uıyqtar kezinde
Jýyn turǵan mezgilde.
Sý men sabyn – bir joldas,
Joımas olar kir bolmas!

*****
Kóbelek-aý, kóbelek!
Ádemisiń keremet!
Gúlge kelip qona ǵoı,
Óziń de gúl bola ǵoı.

Kók kóılek, kók kóbelek!
Kózderi dóp-dóńgelek.
Gúl kórse, kúlimdeıdi,
Qolyma ilinbeıdi.
Kók  shóptiń arasynan
Túr-túsi bilinbeıdi.
— Taraǵan kópke araıy,-
Nesimen qyzyq jaz aıy?
— Sý  jylyp, qum da qyzady,
Ystyqtyń jaqsy uzaǵy.
Shomylyp kólge, gúl terip...
Qyzyq kóp kórseń úlgerip.

*****

Alaqaı
Balaqaı-aý, balaqaı,
Jer qulpyryp jaz keldi.
Aınala gúl, alaqaı.
Aýyl mańy ózgerdi.
Qyrdyń qyzyl gúline
Bar, bóbegim, júgirip,
Qyzyqsyn jurt túrińe,
Qalma jolda kidirip.
Kók ala qanat kóbelek,
Áne gúlge baılandy.
Qyzyqtyryp senderdi –
Dóńgelendi, aınaldy.
Alaqaı-aý, alaqaı.
Qara, qara, balaqaı.
Quıryqtaryn tistesip
Oınaqtaıdy qulyn-taı,
Botaqan moınyn ıirip.
Buzaý murnyn shúıirip.
Qoshaqandar korjańdap,
Laq sekirgen súrinip.
Qyzyq, qyzyq, alaqaı,
Erkeletken bárin maı.
Tóbede ushyp qalyqtaı,
Án salady boz torǵaı.
Alaqaı-aý, alaqaı.
Keldi kútken sulý aı.
Men bastaıyn jaz jyryn,
Kel, bóbegim, qosylshy-aı!

*****

Jaz jaıdary,alaqaı!
Jatyr jaınap dalamyz.
Júr, qanekeı, balaqaı,
Shomylýǵa baramyz.

*****
Alaqaı-aý, alaqaı.
Keldi kútken sulý aı.
Men bastaıyn jaz jyryn,
Kel, bóbegim, qosylshy-aı!

Balaqaı-aý, balaqaı,
Jer qulpyryp jaz keldi.
Kún shyǵyp,
Dala jasyl kilemge orandy.

*****

Kók kóılek, kók kóbelek!
Kózderi dóp-dóńgelek.
Gúl kórse, kúlimdeıdi,
Qolyma ilinbeıdi.
Kók shóptiń arasynan
Túr-túsi bilinbeıdi.

---