InfoHub Logo

Bir kúni Jırensheni han shaqyrtyp, oǵan qyryq sıyr beripti. «Osy sıyrlardyń ishek qarnyn tirileı tazalap ákel, barlyǵyn da soıasyń, soıǵanda bireýiniń ishinen bir túıir de qyltan shyqpasyn!» — depti. Jırenshe sıyrlardy alyp, áıeli Qarashashqa keledi. Qarashash:

— Qoryqpa, sıyrlardy ashshy qudyqtyń basyna alyp baryp, jalǵyzdap sýar da, sýarǵanyńdy sol jerde aınaldyryp qýa ber. Áýeli ishiniń qarmaýy keter, onan keıin jyndy sý keter, eń sońynda qara sýdyń ózi keter, — depti.

Jırenshe Qarashashtyń barlyq aıtqandaryn istegen eken, onyń aıtqandarynyń barlyǵy da durys kelipti. Sóıtip, qyryq sıyrdyń barlyǵynyń ishin tazalap, hanǵa alyp kelipti. Han sıyrlardy shetinen soıa bastapty. Biraq eshbireýiniń ishinen qyltań taba almaı, ań-tań qalǵan eken deıdi.

* * *

Bir kúni han Jırenshege habar beredi:

— Jırenshe bizdikine kelsin, kelgende jolmen de júrmesin, jolsyz da júrmesin, — depti.

Jırenshe bir ıt pen bir eshkini qosaqtapty da, jolǵa túsip han úıine qaraı kele jatady. Han úıine jaqyndaıdy. Onyń kele jatqanyn halyq kórip:

— Mynaý kim ózi, jolmen de júrmeıdi, jolsyz da júrmeıdi. Qalaı júrip kele jatqan adam? — dep tańǵalady. Onsyz da ıt pen eshki qosaqtaǵanda qalaı durys júrsin, bylaıynsha júrgenniń ózinde de durys júrmeıdi, — depti. Jırensheniń tapqyrlyǵyn kórip, han tań qalǵan eken deıdi.

---