Balabaqshaǵa memtapsyrys ornalastyrý quqyǵy ata-anaǵa beriledi
Balabaqshaǵa memlekettik tapsyrysty ornalastyrý quqyǵy ata-anaǵa beriledi. Bul jaıynda QR Premer-Mınıstri Asqar Mamınniń Májilis depýtattarynyń saýalyna bergen jaýabynda aıtylǵan.
«Qazirgi ýaqytta 10 583 mektepke deıingi uıym, onyń ishinde jekemenshik 3 809 balabaqsha (36 paıyz) jumys isteıdi. Bul 2018 jyldyń kórsetkishimen salystyrǵanda 520 birlikke kóp jáne ol jekemenshik mektepke deıingi uıymdar jelisiniń artqandyǵyn dáleldeıdi. Mektepke deıingi uıymdarmen 892,2 myń bala, oynń ishinde jekemenshik balabaqshamen 351,1 myń bala qamtylǵan. Memlekettik baǵdarlamaǵa sáıkes, bilim berýdiń barlyq deńgeıine, onyń ishinde mektepke deıingi tárbıe men bilim deńgeıine arnalǵan bilim berý qyzmetterin tikeleı alýshylardyń derbestendirilgen qarjylandyrýǵa kóshirý kózdelgen», - dep atap ótedi Úkimet basshysy.
Premer-Mınıstrdiń aıtýynsha, osyǵan oraı Bilim jáne ǵylym mınıstrligi Memlekettik tapsyrys ornalastyrý erejesine ózgertýler men tolyqtyrýlar engizý jumysyn júrgizip jatyr.
«Atap aıtqanda, mektepke deıingi uıymǵa memlekettik tapsyrys ornalastyrý týraly sheshim qabyldaý barysynda bul quqyqty ata-anaǵa berý josparlanǵan. Bul «ár balaǵa qarajat» prınsıpin júızege asyrýǵa múmkindik beredi», - dedi Asqar Mamın.
You Might Also Like
-
Qazaqstannyń batys oblystarynda keń úrdis alǵan — kórisý. Jyl saıyn naýryzdyń 14-inen bastap jazylmaǵan zań boıynsha jasy kishiler úlkenderge kórise baryp, batasyn alady.
-
Kún men tún teńelgen, Jer shýaqqa keńelgen, Naýryz keldi álemge! Naýryz kelse, qut kelgeni, halaıyq! Shashý shashyp, el bop qarsy alaıyq!
