InfoHub Logo

Elimizde mektepte oqý kezinde smartfondardy, planshetterdi paıdalanýǵa tyıym salý engizilýi múmkin. Bul jaıynda QR Premer-Mınıstri Asqar Mamınniń Senat depýtatynyń saýalyna bergen jaýabynda aıtylǵan.

«Bilim berý uıymdarynda túrli gadjetterdi (smartfondardy, planshetterdi jáne t.b.) paıdalanýǵa tyıym salýdy engizý múmkindigi týraly máseleni pysyqtaý búgingi kúni osyndaı sharalardy iske asyrý úshin quqyqtyq jaǵdaılar is júzinde bar ekenin (8 óńirde kádimgi knopkaly telefondar paıdalanylady) kórsetti. Sonymen qatar, bilim berý salasyndaǵy qoldanystaǵy zańnama boıynsha bilim alýshylar men olardyń ata-analarynyń smartfondardy paıdalanýyna tyıym salýdy jalpy bilim beretin mektepterde oqý ornynyń ishki tártibin retteıtin normatıvtik quqyqtyq aktiler, bilim berý uıymynyń ishki tártip erejeleri jáne bilim berý qyzmetin kórsetý sharttary aıasynda retteý josparlanýda», - dep atap ótedi Asqar Mamın.

Aıta keteıik, Májilis depýtattary Úkimet basshysynyń atyna joldaǵan saýaldarynda ulttyq aqparattyq keńistiktiń úılesimdi damýyn qamtamasyz etý jáne aqparattyq ortada balalardyń quqyqtaryn qorǵaý jónindegi sharalar keshenin iske asyrý jóninde másele kótergen bolatyn.

---