InfoHub Logo

Atyraý qalasy,
Atyraý Bıznes jáne quqyq koleji
Matematıka páni muǵalimi
Mýkasheva Ajar

Taqyryby: «Baqyt gúlin tergen kún»
Maqsaty: Uly jeńisti dáripteý, óz Otanyn, elin, jerin súıýge, ony qorǵaı bilýge tárbıeleý. Uly Otan soǵysy jyldarynda eńbek etken analardyń tulǵasyn, asyl beınesin ashý, keıingi urpaqqa úlgi ónege etý, oqýshylardyń anaǵa degen qurmet sezimin nyǵaıtý bolyp otyr.

Kórnekiligi: zaldyń ishi sharlarmen bezendirilgen, keshtiń aty jazylǵan, ardager analarymyzdyń sýretterinen slaıdtar jasalǵan.

Keshke qatysýshylar:
Ardager analar, kolej muǵalimderi, stýdentter

İ júrgizýshi: Qurmetti ustazdar men kolej qonaqtary!
Uly Jeńistiń 65 jyldyǵyna baılanysty uıymdastyrylyp otyrǵan «Baqyt gúlin tergen kún» dep atalatyn ádebı-sazdy kezdesý keshimizdi ashyq dep jarıalaımyz.

İİ júrgizýshi: Uly kúshke sengen kún
Fashıserdi jeńgen kún,
Aǵalarǵa ergen kún
Baqyt gúlin tergen kún.- dep Qadyr Myrzalıev jyrlaǵandaı, «Baqyt gúlin tergen kún» atty Uly Jeńistiń 65 jyldyǵyna arnalǵan keshimizdiń alǵashqy sóz kezegin tárbıe isteri jónidegi orynbasary Svetlana Káıkenqyzyna beremiz.

İ júrgizýshi: Endeshe búgingi keshimizdiń qonaqtarymen tanys bolyńyzdar:
Esmaǵanbetova Sáýıa .........

İİ júrgizýshi: Án «Sınıı platochek» oryndaıtyn kolejimizdiń orys tili páni muǵalimi Esenamanova Baıan apaı
İ júrgizýshi: Ana ol bizdiń elge ardaqty adam,
Kishi de úlkeni de ardaqtaǵan.
Óziniń aıaýlysy Otandy da,
Ana dep bizdiń halyq tekke aıtpaǵan - deı otyryp, osy ánimiz sizderge arnalady qurmetti analar.
Án «Anaǵa hat» oryndaıtyn İ kýrs stýdenti Nuǵmarova Marıa

İİ júrgizýshi: Soǵys degen - aqqan sory aqsúıektiń, quldyń da,
Soǵys degen - tókken ary uldyń jáne qyzdyń da.
Soǵys degen - sotqarlardyń qolyndaǵy naızasy,
Soǵys degen, soǵys degen - zulymdyqtyń aınasy.
Búginde ortamyzda otyrǵan analarymyz ben ákelerimiz óz qoldarynan kelgenshe maıdanǵa kómek qorlaryn qura bastady. Mundaǵy maqsat Jeńiske tez jetý. Maýsym aıynda oblystaǵy Memlekettik banki bólimshesiniń, oblystyq qarjy bólimi qyzmetkerleri, Jambyl atyndaǵy balyq aýlaý ujymsharynyń balyqshylary, «Qazaqstan munaı» birlestiginiń kásiporyndarynyń keńesi, «Qazaqstan munaı qurylys» birlestiginiń avtotransport keńsesiniń qyzmetkerleri ózderiniń ujymdyq jınalystarynda soǵys jeńispen aıaqtalǵanǵa deıin maıdanǵa kómek retinde aı saıyn bir kúndik eńbek aqylaryn aýdaryp otyrýǵa sheshim qabyldady. Mysaly, osynyń nátıjesinde 1941 jyly Qazaqstan munaı qurylys birlestiginiń avtotransport keńsesinde 18869 som, balyq qutty kombınatynda – 16720 som, baılanys kásip oryndarynda 32, 5 myń som jınaldy.

I júrgizýshi: Tyldaǵy eńbek adamdarynyń kópshiligi áıelder bolǵandyǵy belgili. Keńes Odaǵynyń bir top otanshyl qyzdarynyń maıdanǵa kómek kórsetý týraly úndeýin talqylaǵannan soń «Alǵabas» ujymsharynyń eńbekker áıelderi qorǵanys qoryna 52 kúmis saqınany. 4 somnyń kúmis aqshasyn, jalpy salmaǵy 6, 6 kg bolatyn ár túrli kúmis áshekeılerdi tapsyrdy.

İİ júrgizýshi: Endigi sóz kezegi ardager analar -
Esmaǵanbetova Sáýıa
Ýrbısınova Jamılá
Turlanova Aqsha
Syralıeva Marfaǵa beriledi.

İ júrgizýshi:
Iá, aspanymyzda jeńis týy jelbiregenine – 65 jyl. Soǵys órti óship, qaıǵy muńnan aıyrylyp, beıbitshilik ornap, baqyt gúlin tergenimizge – 65 jyl.
65 jyl – beıbit kóktem tań atqaly,
65 jyl – shýaqty kún taratty ánin.
Esimde sodan beri alpys bet ret,
Ashyldy jeńis kúnniń paraqtary
Talaı qus sodan beri talaı oraldy,
Talaı baq álemine qaıta orandy
Soǵysta tek ólgender oralmaıdy,
Tek urpaq olar týrly aıtady ándi.
65 jyl – úzilmedi qustar áni,
Ketti endi sum soǵystyń qyspaǵy áli.
65 jyl – jaýymyzdyń ajal oǵy,
Bizdiń eldiń ústeminen ushpaǵaly.

İİ júrgizýshi: Sen netken Otan – anam ǵajap ediń,
Áspettep kórkem tilmen jazar edim,
Bolashaq urpaǵyńnyń baqyty úshin,
Jaınaı ber, Uly Otanym – qazaq elim.
Án « Ákeshim – Anashym» oryndaıtyn İ kýrs stýdenti Keńesov Qýanysh.

İ júrgizýshi:
Ómirde ana – bulaq, ana – pana,
Ómirdi órkendeter ana ǵana.
Ósirgen talaı kósem, talaı sheshen,
Talaı er, tala aqyn, talaı dana.
Ana ol bizdiń elge ardaqty adam,
Kishi de, úlken de ardaqtaǵan.
Óziniń aıaýlysy Otandy da,
Ana dep bizdiń halyq teke aıtpaǵan.

İİ júrgizýshi:
Iá, 1941 jyldyń 17 tamyzynda ótken búkil odaqtyń komsomol jastardyń jeksenbiligine Maqat aýdanyndaǵy kásipshilikterdiń 5430 adamy qatynasyp, 52426 som, Shevchenko aýdanynyń ujymsharlarynyń músheleri 12017 som tapty jáne olardy Otan qorǵaý qoryna aýdardy, Atyraý qalasynda jınalǵan metal synyqtarynan 8414 som tústi. 7 qyrkúıekte ótken 2-shi jeksenbilikke oblystyń 26421 adamy qatynasyp, 88381 som eńbekaqy tapty., 23 qarashada ótken 3-shi jeksenbilikte 22145 adam bolyp, 76 myń som aýdaryldy.
Mine, ólkemizde maıdan jaýyngerleriniń qajeti úshin eńbek etip, ózderiniń eńbek joldaryn soǵys kezindegi jumystan bastaǵan sol kezdegi jas qyzdarymyz búginde aq shashty ana bolyp ortamyzda otyr.

1 júrgizýshi: Endigi sóz kezegin -
Serikbaeva Slýhıa
Quljanova Qanshaıym
Qaldybaeva Qansulý
Qabıeva Músen analarymyzǵa beremiz.
Kúı « Adaı» oryndaıtyn İ kýrs stýdenti Keńesov Qýanysh.

İİ júrgizýshi:
Uly kúshke sengen kún
Fashıserdi jeńgen kún,
Aǵalarǵa engen kún
Baqyt gúlin tergen kún.

İ júrgizýshi: Jeńis! Iá, rasynda da bul sóz bes áripten tursa da mán – maǵynasy zor. Biz bul sózdi qýanysh qyp maqtanyp aıtamyz. Mine, Uly Jeńiske 65 jyl boldy. Jeńis kúni jyl saıyn oralatyn ardaqty sát. Osy Jeńis kúnin jasy da, kárisi de qýanyshpen toılaıdy.

İİ júrgizýshi: Terme: oryndaıtyn İ kýrs stýdenti Ásetova Hanbıbi.

İ júrgizýshi:
Jelbire, kógildir tý, kók aspanda,
Ne jetsin jóni kelip jarasqanǵa.
Sen meniń qudiretim kıem – daǵy,
Aıbaryń aıtsyn sózdi adasqanǵa.
Azattyq ańsarymen kemel qarmap,
Atynan alashymnyń topqa kirdi,
Kók týy qazaǵymnyń álem sharlap.

İİ júrgizýshi:
N. Nazarbaevtyń sózine jazylǵan B. Tileýhanovtyń áni « Elim meniń» áni.
Oryndaıtyn İ kýrs stýdenti Talapov Qýandyq.
İ júrgizýshi:
Osymen keshimiz aıaqtaldy kelgen qonaqtarymyzǵa alǵysymyzdy bildiremiz