InfoHub Logo

«Bárin bilgim keledi»
Maqsaty: Balalardyń alǵan bilimderin qorytyndylaý, odan ári tolyqtyrý. Balalardy shapshańdylyqqa, uqyptylyqqa talpyndyrý.
Kórnekilikter: ınteraktıvti taqta, sýretter, t. b.
Ádis - tásilder: Kórkem sóz, suraq - jaýap, jumbaqtar, jańyltpash.

Júrý barysy:
Júrgizýshi.
Bilimdiden shyqqan sóz,
Talaptyǵa bolsyn kez.
Nuryn, syryn kórýge,
Kókireginde bolsyn kóz.

Qurmetti apaılar, balalar búgingi mektepaldy daıarlyq toptar arasynda ótkeli turǵan «Bárin bilgim keledi» atty saıysty tamashalaısyzdar, ıaǵnı bul saıysta balalardyń barlyq sabaq boıynsha alǵan bilimderi qaralady.
Al, qanekeı aǵaıyn!
Jyrdan shashý shashaıyn.
Basy bolsyn bul toıdyń,
Shyrqap ánge salaıyn.
Endeshe «Atameken» ánin qabyl alyńyzdar.

Al, endi saıystyń shartymen tanys bolaıyq. Jalpy saıys 10 bólimnen turady, endeshe saıyskerlerimizge sáttilik tileımiz.
Sálem sózdiń anasy.
Balalar toptyń atyn jáne uranyn tanystyrady.

1. Kórkem sóz kóńil – tili
Bul bólimde kórkem ádebıet sabaǵy boıynsha tapsyrmalar beriledi.
Óleńge árkimniń aq bar talasy,
Sonda da solardyń bar tańdamasy.
İshi altyn, syrty kúmis sóz jaqsysy,
Qazaqtyń kelistirer qaı balasy.
Birinshi tapsyrma mánerlep oqý saıysy.
Ekinshi tapsyrma jumbaq shesh te ertegini túsindir.
Eki topqa jumbaq oqylady, sonyń sheshýinen shyqqan jaýapqa ertegi aıtý.
Birinshi top: Sharlap kelip dalany,
Úıime úıin salady. \Qarlyǵash\
Ekinshi top: Jezge uqsas sabaǵy,
Dáni halyq taǵamy. \Bıdaı\

2. Jańylmasyn tilimiz
Iaǵnı til damytý sabaǵy boıynsha birinshi tapsyrma:
Týǵan tilim tabyndyrǵan talaıdy,
El erteńi saǵan ǵana qaraıdy.
Óser bolsań baıtaq dalań turǵanda,
Ana tilim árqashanda araıly.
Ár top biletin jańyltpashtaryn ortaǵa salady.
2. Sqemalyq sóılemdi qura.
Taqtada berilgen uıashyqtar boıynsha lepti, suraýly, jaı sóılemderdi quraıdy.
3. Otan degen - atameken,
Otan degen - týǵan jer.
Otan - ana, otan - úlken,
Qazaqstan - týǵan jer.

Kelesi bólimimiz « Otan otbasynan» bastalady dep atalady.
1. Meniń otanym úı tapsyrmasy. Myna jerde suraqtar bar sol arqyly jaýap berý.
Suraqtar: Q. R. rámizderi.
Otbasy
Balabaqsha.
2. Túıe maldyń úlkeni,
Jylqy maldyń úrkegi.
Sıyr maldyń súttisi,
Qoı túliktiń quttysy.
Úı janýarlary týraly ne bilesiń, sýret boıynsha sıpatta.

4. Kelesi bólim: Oqy da bil, oına da kúl. Saýat ashý sabaǵy.
1. Myna jerden sany bar sharshyny tańdaý, artyndaǵy áripke birneshe sóz aıtý.
2. Taqtadaǵy shaǵyn áńgimeni oqý.
Kelesi bólim:
Taza bala muntazdaı,
Súısinedi qaraǵan.
Uqypty dep bul qandaı,
Jaqsy kórer bar adam.
Uqypty osyndaı,
Bolaıyqshy dosym-aı.
5. Valeologıa boıynsha beriletin tapsyrmalar.
1. Sezim músheleri týraly.
2. Paıdaly taǵamdar.
3. Myna sýrette bala jolǵa shyǵaıyn dep jatyr, jolǵa kerek zatty ata.
4. Myna sýretten sezý arqyly tabýǵa bolatyn sýretti ata?

6. Kelesi bólim: Men tabıǵattyń bólshegimin.
Tabıǵatqa qamqor bop,
Baılyǵyn biz qorǵaıyq.
Ádeptide, tártipti bop,
Jaqsymenen qoldaıyq.
Tapsyrma kapıtan komandalaryna.
1. Bir aptada neshe kún ba?
2. Bir kún neshege bólinedi?
3. Óli tabıǵatty ata?
4. Tiri tabıǵatty ata?
7. Kim alǵyr
esep shyǵarýdan saıys.
8. Ken asyly jerde, til óneri elde.
Jalyqpastan úırenip,
Birneshe til bilemiz.
Orys, aǵylshyn tilinde,

Erkin sóılep kelemiz.
Orys tilinen tapsyrma:
Myna jerdegi sýrettiń bireýin bir baladan kelip sýyryp, ondaǵy jyl mezgilin orys tilinde áńgimeleý.
Aǵylshyn tilinen beriletin tapsyrma:
1. Bas múshelerin ata?
2. Qol saýsaqtaryn ata?
9. Túrli - tústi boıaýlar:
Qaryndashty, dápterdi,
Saqadaı qyp saıladym.
Sýretin men kóktemniń,
Salmaqshy bop oıladym.
Eki toptan eki bala shyǵyp erkin taqyrypta sýret salý.
10. Dene páninen jattyǵýlar, oıyn.
Saıys sońynda balalarǵa marapattaý qaǵazy, syılyqtar beriledi.