InfoHub Logo

Sabaqtyń taqyryby: Barys septik
Sabaqtyń maqsaty:
1. Bilimdilik. Zat esimniń septelýi týraly túsinikterin keńeıtý. Septik jalǵaýlaryn jáne suraqtaryn tolyq meńgertý. Barys septiktegi sózderdiń qandaı suraqtarǵa jaýap beretinimen jáne onyń jalǵaýlarymen tanystyrý.
2. Damytýshylyq. Balalardyń tanym qabiletterin damytý, sabaqqa degen qyzyǵýshylyǵyn arttyrý, sózdik qoryn, kúndelikti sóıleý tilin damytý.
3. Tárbıelik. dáptermen jumysty oryndaý kezinde uqyptylyqqa tárbıeleý, biletinin dáleldeı bilýge, adamgershilikke tárbıeleý.
Kútiletin nátıje: Oqýshylar barys septiktegi sózderdi suraq qoıa otyryp taba biledi.
Sabaqtyń túri: jańa bilimdi meńgertý
Sabaqtyń ádisi: jeti modýl
Kórnekiligi: slaıd, syzbalar, deńgeılik tapsyrmalar, úlestirmeli qıma qaǵazdar, túrli - tústi fıshkalar.
Qural - jabdyqtar: kompúter, ınteraktıvti taqta.
Pánaralyq baılanys: matematıka, ana tili, mýzyka

Sabaqtyń barysy:
I. Uıymdastyrý kezeńi
II. Úı tapsyrmasyn tekserý
III. Ótken sabaqty eske túsirý
IV. Jańa sabaqqa daıarlyq
V. Jańa sabaqty túsindirý
Vİ. Tapsyrmalar oryndaý arqyly jańa sabaqty meńgertý
VIİ. Jańa sabaqty bekitý
Vİİİ. Refleksıa
İH. Oqýshylardy baǵalaý
H. Úıge tapsyrma

İ. Uıymdastyrý kezeńi.
- Balalar búgingi sabaǵymyz erekshe bolmaq. Endeshe búgingi sabaqqa belsendilikpen qatysyp, óz bilimderińdi oıdaǵydaı kórsetedi dep senemin.
Olaı bolsa «Sálem – sózdiń anasy» degen máteldi eskere otyryp, eń aldymen amandasyp alaıyq.
Qazaq tili - óz tilim, ana tilim.
Abaı, Muhtar sóılegen dara tilim.
Qasterleıdi ul qyzyń máńgi seni,
Bolashaǵym, baqytym, dana tilim deı otyryp qazaq tili sabaǵymyzdy bastaıyq.

1. 1. Psıhologıalyq daıyndyq
- Balalar, biz qaı memlekette turamyz? Iá, biz Qazaqstan dep atalatyn táýelsiz, úlken memlekette turamyz. Sender - osy memlekettiń azamatysyńdar, elimizdiń bolashaǵysyńdar. Elbasymyz N. Á. Nazarbaev «Elimizdiń bolashaǵy bilimdi urpaq qolynda» dep senderge zor úmit artyp otyr. Sebebi elimizdiń erteńi keleshekte senderdiń qandaı adam bolatyndaryńa baılanysty, al senderdiń bolashaqtaryń qazirgi alǵan bilimderińe baılanysty. Iaǵnı sender keleshekte memleketimizdiń órkendeýine úles qosamyz deseńder jaqsy bilim alýlaryń kerek. Ol úshin sabaqty jaqsy oqýlaryń kerek. Bizdiń memleketimizdiń jeri keń baıtaq. Sender búgingi alǵan bilimderiń arqyly osy jerimizdiń, elimizdiń gúldenýine óz úlesterińdi qosasyńdar. (6, 7 - slaıdtar)

İİ. Úı tapsyrmasyn tekserý
30 - jattyǵý 96 - bet.
Ótken septikterdi qaıtalaý.

İİİ. Ótken sabaqty eske túsirý
- Balalar, ótken sabaqqa sholý jasap keteıik.
Endeshe balalar senderge 7 uıashyqtan 7 tapsyrma kórsetiledi.
Suraq – jaýap. Oılana otyryp jaýap berińder.
Suraq - jaýap
1. Morfologıa neni zertteıdi?
2. Zat esim degen ne?
3. Zat esimniń septelýi degen ne?
4. Qazaq tilinde neshe septik bar? Atap berińder.
5. Ataý septigi týraly aıt?
6. İlik septigi týraly ne bilesińder?
7. İlik septigi jalǵanǵan sózderdi atap ber?
(Ár suraqqa bir oqýshydan kelip jaýap beredi.)

İV. Sabaqtyń taqyryby men maqsatyn ashý
1. 2. «Oılan tap» kezeńi
Qupıa sózdi tabý arqyly búgingi sabaqtyń taqyryby men maqsaty habarlanady.
Sharty: - Myna berilgen amaldardy oryndaımyz. Sonda shyqqan nátıje sannyń kerekti árpin, tómendegi uıashyqqa jazamyz.