InfoHub Logo

ALMATY, 11 maýsym — Qazaqstan musylmandary dinı basqarmasynyń (QMDB) tóraǵasy, Bas múftı Naýryzbaı qajy Taǵanulynyń ánshi Sáken Maıǵazıevtiń uly Ádilettiń úılený toıyna qatysýy jeli qoldanýshylary arasynda túrli pikir týǵyzdy. Osyǵan baılanysty QMDB baspasóz hatshysy Aǵabek Qonarbaıuly áleýmettik jelide resmı túsinikteme jarıalady.

Ol QMDB men bas múftıdiń eldegi qoǵamdyq mańyzdy oqıǵalardan esh ýaqytta tys qalmaıtynyn atap ótti.

"Imamdar onsyz da qaıǵynyń bel ortasynda júredi. Biraq ony eshkimge mindetsimeıdi. Bes búldirshinniń qazasyna bárimizdiń et júregimiz ezildi. Qos aıaǵynan aıyrylǵan qyzdyń taǵdyryna alańdadyq. Imamdar qoǵam aldyndaǵy mindetin jarıalamaı-aq atqaryp keledi", – dep jazdy Qonarbaıuly Facebook paraqshasynda.

Onyń aıtýynsha, ómir tek qaraly kúndermen shektelmeıdi. Sondyqtan bas múftıdiń tek azaly jıyndarǵa ǵana emes, qýanyshty sátterge de qatysyp, bata berýi — din basshysyna tán tabıǵı is.