InfoHub Logo

Qaıypaldy egdergen shaǵynda jas áıel alady. Toıǵa kezikken Abylǵa Qaıypaldy:

- Zamandas kelinshegim kóńilsiz otyr, osyǵan arnap sóz aıtyp jiber, - deıdi. Sonda Abyl aıtypty:

Basynda mıýa aǵashtyń saırar bulbul,

Jigittik - óter, keter bir qyzyl gúl.

Qýsań da qos at alyp bir shaldyrmas,

Qamshylap Ábý jylan minseń dúldúl. 

Qýsań da qos at alyp bir shaldyrmas,

Altaıy berikten qashqan ıtke aldyrmas.

Aý, taqsyr, alǵan jaryń jaqsy bolsa,

Kóńilińdi dúnıede bir qaldyrmas.

Alǵanyń jaman bolsa, basyń kútpes,

Keı pende, Táńir salsa, tastap ketpes.

Jigitter, bolsań tatý, jaqsymen bol

Dúnıeniń asylyndaı baǵa jetpes. 

El bolmas maqtasa da kisi elindeı,

Jip tusaý - jaman joldas - kisenińdeı.

Qansha jaqsy deseń de sońǵy joldas,

Bola almaıdy áýelginiń múshelindeı. 

Hanymdy sen aıtasyń kelinshek dep,

Handy hanym aıtpaǵaı erinshek dep.

Tilińdi halqyń alsa da, qatynyń almas,

Buzaýdaı noqta tartqan sheginshektep.

---