InfoHub Logo

Keıde basqa túsken qıyndyqtar men sátsizdikter taýdaı bolyp jınalady. Mundaı jaǵdaıda qoldy bir siltep, ári qaraı alǵa umtylýdyń máni qalmaǵandaı kúı keshesiz. Biraq eshqashan moıymaý kerek.

Alǵa qoıǵan maqsatymyzǵa qaraı ár daıym umtylý kerektigin dáleldegen tulǵalardyń ómirinen alynǵan qysqa mysaldardy nazarlaryńyzǵa usynamyz.

Výdı Allen

Emtıhannan ótpeı qalyp, ýnıversıtetten shyǵaryldy

«Oskar» syılyǵynyń 4 dúrkin ıegeri, tanymal rejıser Výdı Allen Nú‑Iork ýnıversıtetindegi oqýynan kınematografıa boıynsha emtıhannan ótpeı qalǵandyqtan, oqýdan birjola shyǵarylyp jiberildi. Alaıda Výdı bul úshin asa ýaıymdamady da, óıtkeni ondaǵy oqý ony zeriktirip jiberetin‑di, biraq báribir de ol óz aldyna qoıǵan maqsatyna jete bildi.

Ýrsýla Berns

10 jyl boıy jumysta mansabynyń kóterilýin kútýmen boldy

Ýrsýla Berns Nú‑Iork polıtehnıkalyq ýnıversıtetin támamdaǵan soń, birden amerıkandyq Xerox kompanıasyna tájirıbelik jumysqa ornalasty. Onyń jumysqa degen yntasy baǵalanyp, kómekshi qyzmetin atqardy, biraq ol 32 jasqa deıin kishigirim qyzmetterdi atqarýmen boldy.

Osylaısha, 10 jyl ótken soń ǵana onyń eńbegi asa joǵary baǵalanyp, aldymen jahandyq damytý boıynsha vıse‑prezıdent bolyp taǵaıyndalsa, al búginde ol Xerox kompanıasynyń bas dırektory bolyp tabylady.

Gabrıel Jezýs

Fýtboldan álem chempıonaty aldynda jaıaýjoldy boıap, aqsha tapty

Brazıalyq fýtbolshy, áıgili «Manchester Sıtı» klýbynyń shabýylshysy Gabrıel Jezýs 2014 jyly fýtboldan álemdik chempıonat aldynda jalań aıaq joldaǵy belgilerdi boıap, aqsha tapty. Sol kezderi ol teledıdardan óziniń súıikti komandasynyń machyn tamashalap júrip, eliniń qurama komandasynda oınaýdy ózine basty maqsat tutty. Osylaısha, búginde ol óz maqsatyna jete bildi. Qazirgi tańda Gabrıeldiń tabysy aptasyna 80 myń dollardy quraıtyn, bolashaǵy zor fýtbolshylardyń qatarynda.

Harland Sanders

Óz meıramhanasyn sátsizdikke ushyratty

Polkovnık Sanderstiń alǵashqy meıramhanasy básekelestikke tózbegendikten oıranǵa ushyrady. Osyǵan qaramastan, Harland 65 jasynda AQSH‑tyń búkil mekemelerin sharlap, óziniń unǵa aýnatylyp pisirilgen dámdi taýyq qanatshalaryn usynýmen boldy. Al, odan bas tartqandardyń sany týra 1008‑ge jetti. Alaıda, ol munysymen moıymaı, odan ári óziniń taýyq etiniń biregeı dámine senýdi jalǵastyryp, nátıjesinde KFC (Kentýkkıdiń qýyrylǵan taýyq eti) jelisiniń álemge keńinen taralýyna sebep boldy.

Ilon Mask

Jumysynan qýyldy

Amerıkalyq mıllıarder estıar shaǵynda sátsizdikke ushyrady. PayPal-dyń taqyrǵa otyryp qalýyna sebepshi bolǵandyqtan, kezekti demalysqa shyǵyp, ushaq bortynda bolǵan kezinde dırektorlar keńesiniń sheshimimen jumystan bosatyldy.

Araǵa 16 jyl salyp, ol buryn óziniń ıeliginde bolyp, PayPal-dy qurýǵa negiz bolǵan x.com domenin kompanıadan 5 mln $‑ǵa satyp aldy.  Masktiń bul mysaly, ómirdegi barlyq qıynshylyqtar, bıik belesterge jetý úshin sebep ekenin kórsetedi.

Anna Vıntýr

Sán álemi jýrnalyndaǵy jumysynan shyǵaryp jiberdi

Jarty jyldan astam ýaqyt jumys jasaǵan Anna Vıntýr redaktormen pikiri bir jerden shyqpaǵany sebepti Harper’s Bazaar jýrnalynyń sán sholýshysy qyzmetinen bosatyldy.

Amerıkandyq Vogue jýrnalynyń bas redaktory Annanyń ómirindegi bul oqıǵa oǵan budan da úlken tabysqa jetýine stımýl berdi dep sıpattaıdy. Al, sol kezden bastap Anna: «Eger siz bir nársege senimdi bolsańyz nemese qandaı da bir nársemen kelispeıtin bolsańyz, onda óz pikirińizdi saqtap qalǵanyńyz durys, óıtkeni jumys barysynda oılaý ereksheligi árqashan baǵalanady» ‑ dep senedi.

Govard Shýls

Óziniń ıdeıalaryn odan ári júzege asyrýǵa múmkindik bermegeni sebepti jumystan bosatyldy

Govard Shýlsti Starbucks kompanıasynda kofe dánderin satýmen aınalysyp júrgen kezinde jumystan shyǵaryp jiberdi. Kompanıadan bosatylýynyń sebebi, basshylyq onyń kofe jelisin odan ári damytý jónindegi ıdeıalaryn júzege asyrýdy qoldamady. Govard sapaly kofe men jaıly jıhazdy mekemeni biriktirip, adamdar onda qaıtyp barǵysy kelip turatyn erekshe nárse jasaýdy armandady.

2 jyl ýaqyt ótken soń, Govard Starbucks kompanıasyn satyp aldy da, kofe belgisin AQSH aýmaǵynda tanytyp, búkil álemge áıgili kofe jelisine aınaldyrdy.

Sten Smıt

Oıynshylarǵa dop berýshi retinde qabyldanbady

Kásibı tenısshi Stenlı Rodjer Smıt óz mansabyn bastaǵan shaǵynda Devıs Kýbogi uıymdastyrýshylary muqıat emessiń, jınaqy emessiń degen sebeppen oıynshylarǵa dop berýshi qyzmetine qabyldamady. Biraq, Smıt, tenıs – ol óziniń súıikti isi ekendigine sendi. Ol odan ári óziniń dittegen maqsatyna jetýge tyrysyp baqty, nátıjesinde AQSH quramasy Kýboginiń 8 dúrkin ıegeri atanyp, ózi jaıynda olardyń qatty qateleskenin dáleldep berdi.

Nık Výdman

Kompanıany taqyrǵa otyrǵyzdy

Nık ýnıversıtetti támamdaǵan soń, óziniń onlaın oıyn-saıt Funbug atty kompanıasyn ashty, biraq úlken tabysqa qol jetkizgenine qaramastan, aqyry sátsizdikke ulasyp tyndy.

Osyndaı quldyraýynan keıin óz ózine kelý maqsatymen dostarymen birge Avstralıaǵa attandy. Ol onda óziniń súıikti ekstremaldy sport túri – serfıngpen aınalysty. Ol ondaǵy kásibı serfıngshilerge qarap otyryp, onyń oıyna yńǵaıly ári shaǵyn ekshen GoPro kamerasyn oılap tabý týyp, bul ıdeıasy onyń mıllıarder bolýyna yqpal etti.

Nık «eger sol kezde sátsizdikke ushyramaǵanda, men ózimniń súıikti isimdi ómirlik kásibime aınaldyra almas edim» ‑ deıdi.

Soıtıro Honda

Joǵary bilimi joq

Soıtıro óte kedeı otbasynda ósti, sondyqtan da ol bala kezinen ákesine kómektesýge májbúr boldy. Mektep bitirgen soń, ári qaraı joǵary bilimin shyńdaýdyń ornyna qarapaıym mehanık bolyp jumys atqardy. Ol velosıpedterge eski motorlardy ornatyp, kúnderdiń bir kúni qymbat bólshekterden, hromdalǵan dıskilermen jabdyqtalǵan jáne bylǵary oryndyqpen qaptalǵan óz motosıklin jasap shyǵarýdy armandady.

Eger óz maqsattaryńyzǵa jetýde tabandylyq tanytsańyz, álbette, armandar oryndalady. Ýaqyt óte kele, Soıtıro álemdegi eń myqty motosıkl shyǵaratyn Honda kompanıasyn ashty.

---