Áleýmettik jelide oqýlyqtaǵy ıntımdik sýret dep jalǵan aqparat taratqan adam anyqtaldy - QR İİM
Áleýmettik jelide oqýlyqtaǵy ıntımdik sýret dep jalǵan aqparat taratqan adam anyqtaldy.
Bul jaıynda QR İshki ister mınıstrligi Memlekettik til jáne aqparat departamentiniń dırektory Almas Sadýbaev málim etti.
«Astana qalalyq ishki ister departamenti sotqa deıingi tergeýdiń biryńǵaı tizilimine QR QK 274 baby 3 tarmaǵy (qasaqana jalǵan aqparat taratý) boıynsha QR Bilim jáne ǵylym mınıstrliginiń ıntımdik sýretteri bar oqýlyqtar dep áleýmettik jelide qasaqana taratylǵan jalǵan fakti boıynsha aryzy tirkeldi. Qazirgi ýaqytta keshendi tergeý is-qımyldary jáne jedel izdeý sharalarynyń nátıjesinde atalǵan qylmysty jasaýǵa qatysy bar tulǵa anyqtaldy. İs boıynsha qajetti saraptamalar taǵaıyndaldy, oryn alǵan jaǵdaıdy tolyq, jan-jaqty jáne obektıvti zertteýge baǵyttalǵan basqa da tergeý amaldary júrgizilýde. Nátıjesi boıynsha prosesýaldy sheshim qabyldanatyn bolady», - dedi Almas Sadýbaev.
Aıta keteıik, búgin Úkimet otyrysynan keıin BAQ ókilderiniń saýalyna jaýap bergen QR Bilim jáne ǵylym mınıstri Erlan Saǵadıev vedomstvoǵa qarasty zańgerlik jumystarmen aınalysatyn departament atalǵan fakti boıynsha qylmystyq is qozǵaý týraly aryz bergenin aıtqan edi.
QazAqparat
You Might Also Like
-
«Alash» partıasynyń basshylary, 1917, soldan ońǵa qaraı: Ahmet Baıtursynuly, Álıhan Nurmuhameduly Bókeıhan, Mirjaqyp Dýlatuly
-
Búkil álem boıynsha, tipti ǵalamtorda tamasha músinderdi baıqaýǵa bolady. Óner bir qarqynda toqtap qalmaıdy. Ár kún saıyn álemde jańa jobalar men adam balasy tańdanarlyq týyndylar dúnıege kelip jatad...
