InfoHub Logo

Pavlodar oblysynyń 27 mektebinde pılotty joba aıasynda fýtbol sabaqtary engizilýde, dep habarlaıdy pavlodarnews.kz.

Oblystyq bilim basqarmasy tárbıe jumystary jáne qosymsha bilim berý bóliminiń basshysy Azamat Syzdyqovtyń aıtýynsha atalmysh sabaq tańdalynyp alynǵan mekterde ǵana ótkiziledi .

«Mektepter sporttyń atalǵan túri boıynsha kórsetken nátıjesi men materıaldyq-tehnıkalyq jaǵdaıyna qaraı tańdalyp alyndy. Sonymen qatar, aprobasıalaý júrgizýge daıyn dene tárbıesi muǵalimderi bolýy tıis. Fýtbol  - álemdegi eń áıgili jáne buqaralyq sport túri. Álemdik oıynshylardyń basym bóligi ózderin bala kezinen áýesqoı komandalyq nemese aımaqtyq jarystarda kórsete bilgen», - deıdi Azamat Syzdyqov. Oblysta segiz myńnan asa jas sportshy aýyldyq mektepterde, balalar-jasóspirimder mektebinde jáne fýtbol ortalyqtarynda, kásibı komandalarda, fýtbol seksıalarynda shuǵyldanady.

Fýtbol, shaǵyn fýtbol, fýtzal boıynsha mektepshilik, aýdandyq, qalalyq jáne oblystyq jarystar jıi ótkiziledi. Óńir sportshylary respýblıkalyq jarystarda nátıjeli oıyn kórsetýde.

Bıyl QR Bilim jáne ǵylym mınıstrligi «Orta bilim berý uıymdarynyń 1-4 synyptarynda dene tárbıesiniń ár úshinshi sabaǵynda «Fýtbol sabaǵyn» synaqtan ótkizý týraly» buıryǵyna sáıkes respýblıkanyń túrli oblystarynda bastaýysh synyptarynda fýtbolǵa aprobasıalaý júrgiziletin birqatar mektepter anyqtaldy. 

---