InfoHub Logo

Ózińizdi baǵalaýdy, ishki senimdilikpen jáne óz ómirińizge degen jaýapkershilikti qolǵa alý kerektigin bildiretin qaýipti belgiler. 

1. Siz ózgeniń qajettiligi úshin ózińizdikinen bas tartasyz

Eger sizdiń únemi kómektesetin, eshqashan jolda qaldyrmaıtyn jáne ortanyń kórki bola alatyn bedelińiz bar bolsa, osynyń bárine qalaı kelgenińizdi bir sát oılanyp kórińiz. Bálkim, sol kezde aınalańyzdaǵylardyń bári moınyńyzǵa minip alyp, aıaqtaryn salbyratyp otyrǵanyn baıqarsyz. Óıtkeni siz óz josparlaryńyz ben maqsattaryńyzdan bas tarsańyz da, basqalardy qutqarýǵa daıynsyz..

Kómektesý – durys. Biraq ózińiz týraly basqalar jaqsy oılasyn dep, óz-ózińizge únemi zıan keltirýdiń qajeti joq. «Joq» dep aıtýdy úırenińiz. 

2. Siz únemi maqtaý kútesiz

Ózińizdi bireý maqtamasa, eńbegińizdiń nátıjesine kóńilińiz tolmaıdy. Bul jumysqa da, basqa da birsaryndy dúnıelerge qatysty. Mysaly, siz aınadaǵy beıneńizge kóńilińiz tolyp tursa da, Instagram jelisinde az unatý belgisin jınaǵany úshin úıińizge kelip, kıimińizdi aýystyryp kıesiz. 

Ózińizdi bóten adamdardyń maqtaýyna emes, obektıvti kórsetkishterge qarap baǵalańyz.

3. Basqalar sizdi qalaı kórgisi keledi, solaı bolýǵa tyrysasyz

«Qashqan qalyńdyq» fılminiń bir kórinisinde keıipker árbir kúıeý jigitke ol unatqan jumyrtqadan jasalǵan taǵamdy jaqsy kóremin dep aıtqan eken. Aqyry sońynda qyzdyń ózi óziniń neni unatatynyn túsinbeı qalady.

Al basqalardyń pikirine qatty táýeldi adamnyń jaǵdaıy budan da qıyn. Eger siz únemi basqalardyń oıynan shyǵýǵa tyrysyp júrseńiz, onda ishki senimdiligińizdi izdep, ózińizdiń kim ekenińizdi anyqtaıtyn ýaqyt keldi.

4. Siz únemi óz ómirińizge degen jaýapkershilikti basqa adamdarǵa artyp qoıasyz

Bir jaǵynan báriniń qısyny bar: aınaladaǵy adamdardyń sizdiń ómirińizge qatty áser etetini sonsha, sizdiń tabystaryńyz ben sátsizdikterińiz solardyń sózderi men áreketterine táýeldi. Biraq mundaı jaǵdaıdy jaqsy dep aıtýǵa bolmas.

Aqyl toqtatqan adam óz ómiriniń jaýapkershiligin óz moınyna alyp, árbir áreketin múmkin bolatyn qaterler men saldarlardy esepke ala otyryp baǵalaıdy.

5. Siz basqa adamnyń pikirin syndarly bolmasa da, júregińizge jaqyn alasyz

Siz eldiń bárine unaıtyn júz dollarlyq aqsha emessiz. Biraq kez-kelgen synnyń ózi sizdi joldan shyǵaryp jibere alady. «Barlyq gýmantıtarlyq sala mamandary aqymaqtar» degen bir pikirdiń ózi sizdiń súıikti isińizdi tastap, ınjenerlik salaǵa aýysyp ketýińizge jetkilikti. Kezekte turǵan kezde bireý «ana murny úlken kisiden keıinmin» dep aıtsa, siz birden plasıkalyq otaǵa aqsha jınaı bastaısyz.

Sizdiń aınalańyzda tek aqyldy adamdar ǵana bar emes. Sondyqtan, keıbireýlerdiń aıtqan kózderine mán bermeı-aq qoısańyz da bolady.

6. Siz jalǵyzdyqtan qorqasyz

Basqa adamdardyń pikirine degen táýeldiliktiń saldarynan sizdiń ishki baǵdaryńyzda qıyn jaǵdaı qalyptasady. Sondyqtan, syrtqy moderatorsyz qalý sizge úreı týdyrady.

Óz oıyńyzdy ózińiz úshin artyqshylyq jasańyz, sol kezde úreıińiz de basylady. 

7. Siz birnárseni ózdigińizden isteýge qorqasyz

Siz jumystaǵy mańyzdy jobadan bas tartasyz, súıikti isińizge nemese bızneske degen ıdeıalardy keıinge qaldyrasyz jáne sońǵy ret jańa, qyzyqty oılardy qashan oılaǵanyńyz esińizde de joq. Siz álsiz jerińizdi elge jarıa qylýy múmkin degen sátsizdik qorqynyshymen júresiz.

Qatelesý – qalypty jaǵdaı. Biraq tabysqa jetý úshin keıde táýekel etýge de bolady.

8. Siz basqalardyń kútken nársesine ózińizdi jaýapty sezinesiz

Basqaǵa táýeldi adam basqa adamdardyń kútken nársesin ózinikindeı qabyldap, oıynyń aqtalmaı qalýynan qatty qorqady. Ata –anańyz qalaǵandyqtan, zańger bolasyz. Dostaryńyz ýaqytyń keldi degendikten, úılene salasyz. Tipti, kafede áriptesińiz bergen taǵamǵa tapsyrys beresiz.

Basqa adamnyń kútken nársesi – sizdiń máseleńiz emes.

9. Siz basqa adamdardyń keńesinsiz sheshim qabyldaı almaısyz

Eger siz jumysyńyzdy nemese turǵylyqty jerińizdi aýystyratyn bolsańyz, mindetti túrde jaqyndaryńyzdyń ne oılaıtynyn suraısyz. Olardyń oıy jaǵdaıdy tarazylaýǵa kómektesedi. Biraq eger kúndelikti isterdiń ózinde basqa adamdardyń keńesin qajet etip tursańyz, bul táýeldiliktiń belgisi.

10. Siz syrtyńyzdan estigen sybyrdyń bárin ózińizge qabyldaısyz

Aınalańyzdaǵy adamdar áńgime aıtyp, kúlip tursa, sizge ózińizdi áńgimelep jatqandaı kórinedi. Árıne, adam bolǵan soń sóz qylady, minep-synaıdy. Biraq kóńilińizge kelse de aıtaıyq, kóp adamnyń sizde sharýasy da joq.

 

---