InfoHub Logo

Qostanaı oblysy Qarasý aýdany «Klúchevoı orta mektebi» MM
qazaq tili men ádebıet páni muǵalimi Meıramkýl Karbýzova

Elimiz Táýelsizdik alǵan jyldardan bastap, elbasymyzdyń kóregen saıasatynyń, ustanǵan strategıalyq baǵyty jolynda úlken belesterge kóterildik. Qasıetti egemendiktiń, erkindiktiń arqasynda talaı ister atqarylyp, jetistikterge kýá boldyq, maqtanysh ettik, mereıimiz artty, ata-babalarymyz san ǵasyrlar qol jetkize almaǵan armandarymyzǵa qol jetkizdik. Osynyń bárine halqymyzdyń ál-aýqaty elbasymyzdyń tikeleı basshylyǵymen memleket qyzmetkerleri, jalpy elin, jerin kórkeıtýge atsalysqan ár sala mamandarynyń atqarǵan ereń eńbeginiń aıasynda damyp, orasan jetistikterge jettik. Álemdik arenada Qazaqsatan óz ornyn oıyp aldy, ózin jan-jaqty, senimdi, jaýapty el retinde tanylyp, kúni búginge deıin qarqyndy damý ústinde. Elimiz elbasymyzdyń «Qazaqstan-2030» strategıasy josparyn on bes jyldyń ishinde júzege asyryp, jahandaǵy 50 damyǵan alpaýyt elderdiń qataryna qosyldy. Eldiń jarqyn bolashaǵyn jasaýshy, «Máńgilik el» ıdeıasymen ushtasqan «Qazaqstan-2050» strategıasy jol kórsetip keledi. Elbasymyz óz joldaýynda álemdegi san túrli bolyp jatqan ózgerister men syn-qaterlerge daıyn bolý qajettigin eskerip, «Qazaqstan-2050» damý strategıasymen jańa álemdegi kóshbasshy otyz eldiń qataryna enýdi maqsat etip otyr. Osy baǵytta eldiń damýyna 100 naqty qadam – Ult jospary júzege asyrylyp keledi. Nursultan Nazarbaev bıylǵy Qazaqstan halqyna Joldaýynda tórtinshi ónerkásiptik revolúsıa jaǵdaıyndaǵy damýdyń jańa múmkindikterin, naqty 10 baǵyt boıynsha mańyzdy mindetterdi atap kórsetti. Eń bastysy sıfrlyq dáýir, tehnologıalardyń damýyn kórsetti. Bıylǵy Joldaýdyń ereksheligi jetinshi baǵytynda bilim berýdiń barlyq salasynda naqty júzege asyrylatyn mindetter aıqyn kórsetilgen. Sıfrlyq texnologıalar barlyq salalarda júzege asyrylady. Aıtarlyq orta mektep, kolej, joǵary oqý oryndarynda úzdik oqytýshylarynyń beıne¬sabaqtary men beınelek¬sıalaryn Internetke ornalastyrý kerek ekenin atap ótti. Oqýshylardyń zamanaýı bilim alýy úshin kompúterler, laboratorıalar jáne 3D-prınterler sekildi barlyq qajetti ınfraqurylymy bar balalar tehnoparkteri men bıznes-ınkýbatorlarynyń jelisi qurylatyn bolmaq. Bul - elimizdiń barlyq jerindegi ustazdaryna tájirıbe almasýda, ozyq bilimge qol jetkizýge úlken múmkindik. Sonymen qatar oqytýdyń mazmundylyǵy zamanaýı tehnıkalyq qural-jabdyqtarmen qamtamasyz etý jáne sıfrlyq bilim berý resýrstaryn damytý, keń jolaqty Internetke qosý jáne mektepterimizdi vıdeoqurylǵylarmen jabydyqtaý jumystaryn jalǵastyrý jaıynda aıtqany shalǵaıdaǵy ustazdar úshin qýantarlyq jaıt. Elbasymyz sondaı-aq til máselesi boıynsha tuǵyrly úsh til qazaqstandyqtardyń bolashyǵy úshin mańyzdy ekenin tıek etip, ana tilimiz - qazaq tili ǵumyrly bolsyn desek, ony jónsiz termınologıamen qıyndatpaı, termınologıa turǵysynan qazaq tilin halyqaralyq deńgeıge jaqyndatyp, qazirgi zamanǵa laıyq damytyp qoldanýymyz kerek ekenin aıtty. Bul ósip kele jatqan urpaǵymyzdyń basqa da tilderdi erkin meńgerýine ońaı bolmaq. Óziniń tarıhyn,tilin, mádenıetin biletin, qazirgi zamanǵa saı, álem kóshine ilese alatyn shet tilderin meńgergen, ozyq ári jahandyq kózqarasy bar qazaqstandyq azamat qoǵamymyzdyń ıdealyna aınalýy kerek. «Rýhanı jańǵyrýdyń» basty maqsaty da osy bolmaq dep elbasymyz aıqyndap aıtyp ketti. Sonymen qatar muǵalim mártebesin arttyrý maqsatymen bilim berýdiń jańartylǵan mazmuny boıynsha kóshken ustazdarǵa laýazymdyq jalaqysyn 30 paıyzǵa qosýdy tapsyrdy. Ási¬re¬se, muǵalimderdiń ja¬la-qysy bi¬liktiliginiń rastalý¬yna baıla¬nysty 30 paıyzdan 50 paıyzǵa deıin ósetini týraly habardy erekshe yqylaspen qa¬byl¬dady. Osy oraı bıyl qosymsha 67 mıllıard teńge bólinbekshi. Jalpy bolashaqta ustazdar mártebesi artyp, bilim salasyndaǵy oń ózgerister elimizdiń damýyna úlesin tıgizetini anyq. Elbasymyzdyń Qazaqstan halqyna Joldaýy halqymyzdyń ál-aýqatyn jaqsartatyn birden-bir jol. Sondyqtan elimizdiń ár azamaty joldaýdy durys qabyldap, onyń jańǵyrýyna tek atsalyspaq. Qoryta kele, damyǵan elý eldiń qataryna qosylý úshin álemdik zamanaýı talaptarǵa saı bolýmen qatar, jahandaný dáýirinde artta qalmaı, ult retinde saqtalyp qalý úshin, «Máńgilik el» ıdeıasymen birge elbasymyzdyń joldaýyndaǵy «Tórtinshi ónerkásiptik refolúsıa jaǵdaıyndaǵy tarıhı órleý bastaýyndaǵy turǵan birtutas ult bolýdyń» barlyq múmkindikterin paıdalanyp, álem elderiniń ozyq tájirıbesin saraptap, elimizge tıimdi tásilderin qoldanýǵa bar kúshimizdi, aqyl-parasatymyzdy salýymyz kerek. Jetistikke jetýdiń joly aıqyn, tek jurt bolyp, el bolyp jumyla áreket etý, atsalysý. «Ǵylym-bilim-ınnovasıa» dáýirinde elbasymyzdyń joldaýyndaǵy jappaı sıfrlyq dáýirge kóshý – bul qazaqstandyqtardyń jarqyn bolashaǵynyń nyshanyna aınalmaq.

---