InfoHub Logo

Qosh bol, bastaýysh mektep!
Maqsaty:
1. Bilimniń sara joly bastaýyshta bastalatynyn, bastaýyshta alǵan bilimniń negiz bolyp qalatynyna kóz jetkizý.
2. Bastaýysh synybymen, alǵash qolyna qalam ustatqan alǵashqy ustazymen qoshtasa otyryp, orta býynda dáris beretin ustazdarmen tanystyrý, ár balanyń ereksheligin tanyta otyryp, sát - sapar tileý. Bilim berer ordasy – mektepti ustazdaryn qurmettep, bilimge degen qushtarlyǵyn arttyrý. Óz Otanynyń adal uly men qyzy bolýǵa tárbıeleý.

1 - júrgizýshi: Dastan
Bala shaqqa bolashaqty jyrlatyp,
Shákirtterge oı túzetken symbatty.
Kún nuryndaı sáýle quıǵan kóńilge
Armysyzdar, ustazdarym qymbatty.

2 júrgizýshi: Nazerke
Armysyzdar, ájeler men analar,
Urpaǵyńyz kúnde ózińnen bata alar.
El dástúrin máńgi syılap oqy dep,
Úıretken ǵoı Abaı, Ybyraı babalar.

1 - júrgizýshi: Dastan
Armysyzdar ór tulǵaly ákeler,
Qyran qustaı balapanyn mápelep.
Búgin mine, bastaýyshpen qoshtasady,
Azamat bop, keshegi sábı – erkeler.

2 - júrgizýshi: Dastan, Búgin biz saýatymyzdy ashyp, bilim, negizin qalaǵan bastaýysh mektebimizben, alǵashqy qolymyzǵa qalam ustatyp, ońymyzben solymyzdy tanytqan ustazdarymyzben qoshtasqaly otyrmyz.
1 - júrgizýshi: Tarydaı bolyp kirip, aqyl oılary tolysyp, oń men solyn tanyp jaqsy men jamandy aıyra bilýdi úırengen shákirtterińizdiń uıymdastyrýymen ótkizgeli otyrǵan «Qosh bol, bastaýysh merekesin» bastaýǵa ruqsat etińizder!
2 júrgizýshi: Olaı bolsa, Dastan bastaýysh synypty bitirýshi túlekterimizdi ortaǵa shaqyraıyq.

1 júrgizýshi:
Tolqımyz, tolqyp tursyz barshańyzda,
Mundaı kúı bolǵan sirá qanshańyzda.
Qol soǵyp, qoshemettep shaqyraıyq,
4 synyp túlekterin ortamyzǵa.
(Mýzyka áýenimen bastaýysh synyp túlekteri ortaǵa shyǵady. )