InfoHub Logo

Batyl ıdeıalardy praktıkalyq turǵydan qarastyryp kóreıik. Keıbireýlerdiń aqylǵa qonymsyz arman-ıdeıalary qalaısha aqıqatqa aınalyp, endi bireýlerdiń ıdeıalary shynaıy ómirden alshaq bolmasa da, nege tabysqa jete almaı qalatyny kópshilikke qyzyq bolady dep oılaımyz.  

Jahanda batyl da essiz ıdeıalar úshin aqsha bar

Intensıvti joba trenajeryna baryp kórińiz. Ol jerde jas kásipkerler — ıdeıalary bar adamdar ár túrli saladaǵy myqty mamandarmen: bıznesmendermen, koýchtarmen, úkimet ókilderimen jolyǵý múmkindigin alady. Bul shynymen-aq tabysty kisilerden aqyl-keńes, tájirıbe jáne óz ıdeıańnyń baǵasyn alýdyń aıryqsha múmkindigi. Endi osyndaı kisilermen aralasýdyń arqasynda shyǵýy tıis birinshi postýlat: qarapaıym ıdeıalardan góri kózsiz batyl ıdeıaǵa aqsha alý ońaıyraq. Áńgime memleketten jáne bıznesten ınvestısıa tartý jóninde bolyp otyr jáne bul aıǵaq birneshe sebep arqyly túsindiriledi.

Ádetki, qarapaıym, iske asyrýǵa bolatyn jobalar óte kóp. Eger ıdeıańyz eshkimde joq aıryqsha ıdeıa bolmasa, eger oılaǵanyńyz myńdaǵan adamnyń oıyn qaıtalap otyrsa, ony júzege asyrýǵa kómektesýge eshkimniń zaýqy bolmaıdy. Eger sizdiń ıdeıańyzdyń aqylǵa qonymsyzdyǵy sondaı, estigender sizdi salǵan jerden taýyńyzdy shaǵyp tastaıtyndyqtan, siz ony aıtýdyń ózinen qoryqsańyz, ony kim kóringenge aıta bermeńiz. Óz salańyzdaǵy sarapshymen sóılesip, aqyldasyńyz — onyń pikir-paıymyna qulaq asqanyńyz jón, biraq ol da sońǵy tireler jerińiz emes.

Batyl ıdeıalar da júzege asyp jatady jáne bunyń mysaldary kóp, sondyqtan ózińizge úlken-úlken nárseler týraly armandap, eren maqsattar túzýge keńshilik etińiz.

Batyl ıdeıalar pikirlesterdi tartyp toptastyrady

Jurttyń jumys istegisi kelmeıtini týraly talaı anekdot pen ázil-qaljyńdar kóp — keńselik plankton týraly quryǵynda bir-eki ázildi estimegen bireý bar ma eken? Siz óz isińizdi uıymdastyryp qoıǵan jáne jumyskerlerińizdiń selqostyǵyna tap bolǵan bolýyńyz múmkin. Bar gáp adamdardyń kópshiligi jumysyna emosıonaldy, rýhanı túrde qyzyqpaıtyndyǵynda, al jumys adamnyń dúnıetanymynyń, qaǵıdattarynyń jáne tilek-qalaýlarynyń qylyn terbemese, adam yntaly bolmaıdy.

Ekinshi jaǵynan alsaq, bir adam oılap tapqan batyl ıdeıadan bastalyp, sosyn jobaǵa jentektelgen qar syqyldy kóbeıip otyrǵan pikirlester (kóbinese ıdeıa úshin ǵana jumys isteıtin) qosylyp, aqyr sońynda júzege asyp ketken jobalardyń mysaldary da az emes. Eger siz aýqymdy birdeńeni oılap júrseńiz, oǵan jalǵyz ózińizdiń shamańyz kelmeıdi — komanda kerek, biraq komandaǵa ıdeıaǵa berilgen, ıdeıa týraly áńgime kezinde kózi jaınap ketetin jáne onyń iske asatynyna senetin adamdardy ǵana qosqan abzal. Eger sizdiń batyl ıdeıańyz bolsa, jaqtas-pikirlester tabyńyz, sonda sizdiń komandańyz lokomotıv emes, jobany ıdeıa kezeńinen iske asyrý kezeńine alyp baratyn reaktıvti ushaqqa aınalady.

Sınergıa qubylysy

Sınergıalyq effekt kez kelgen ıdeıany kúsheıtip jiberetinin rastaıtyn mysaldar óte kóp. Ideıalar jeke-dara turǵanda jaı ǵana jaqsy ıdeıalar bolsa, olar birikken kezde qýatty jáne álemdi ózgertip jiberýge qaýqarly bolyp ketedi. Eger sizdiń ıdeıańyz álemge paıda ákeletin bolsa, onyń aınalasyna basqa ıdeıalar shoǵyrlanady, kúshter, resýrstar biriktirilip, ıdeıanyń mańyzdylyǵy men energetıkasy artady, ıaǵnı ony júzege asyrý ońaılaı túsedi. Jobańyzǵa basqa bir kisiniń jobasy, eger ol joba álemge jaqsylyq ákeletin bolsa, qosylýynan eshqashan bas tartpańyz. 

Aýqymdy nárseni armandańyz, ıdeıalaryńyz barynsha batyl bolsyn! «Aqshany qalaı tabamyn?» dep emes, álemdi (álemnen bastaý shart emes, shaǵyn aýmaqtan, mysaly óz qalańyzdan bastańyz) qalaı jaqsarta túsýdi oılańyz — sonda baılyq pen jetistik sizdi ózi taýyp keledi.

Oqýǵa keńes beremiz:

Ýolt Dısneı jetistiginiń tarıhy

Ilon Mask degen kim jáne álemniń ózgerýine qandaı yqpaly bar?

Toyota tarıhy: toqyma stanoktyń ornyn kólikke almastyrý

Tehnologıalar álemin dúr silkindiretin Nıkola Teslanyń 10 tamasha ıdeıasy

---