InfoHub Logo

Oraldaǵy Nazarbaev zıatkerlik mektebiniń qos oqýshysy Shymkent qalasynda ótkizilgen respýblıkalyq VII Naýryz kezdesýleri ǵylymı jobalar baıqaýynan jeńispen oraldy.

Atalǵan mekteptiń baspasóz hatshysy Aqmonshaq Maqsotqyzynyń aıtýynsha, «Nazarbaev zıatkerlik mektepteri» derbes bilim berý uıymy uıymdastyrǵan dástúrli baıqaýǵa elimizdegi Nazarbaev zıatkerlik mektepteri men Ońtústik Qazaqstan oblysyndaǵy bilim ordalarynan 160-qa jýyq oqýshy qatysyp, baq synady.

Tórt túrli baǵytta ótken ǵylymı jobalar baıqaýynda oqýshylar balamaly qýat kózderi, fızıka, tehnologıa jáne medısına salalary boıynsha jumystaryn qorǵady. Baıqaýǵa ońtústikqazaqstandyq aldyńǵy qatarly ǵalymdar qazylyq etti. Eki kúnge sozylǵan shara barysynda qatysýshylar elimizdegi eń úzdik jas ǵalymdar men sheteldik mamandardyń dárisin tyńdap, ǵylymnyń sheksiz syrlaryna úńildi. Dárister ǵylym, tehnologıa, ınjenerıa, óner, matematıka, IT, medısınadaǵy sońǵy izdenister men jańalyqtardy qamtydy.

Oraldan barǵan Nazarbaev zıatkerlik mektebiniń shákirti Talǵat Moldash «Atmosferalyq aýadan energıa alýdyń ádisteri» jobasymen «Energıanyń balama kózderi» seksıasynda jeńimpaz atansa, Beket Myrzanov «STEAM ıdeıalar» baǵytynda «Interaktıvti kitaphana» jobasymen júldeli úshinshi oryndy ıelendi. Talǵatty Ómirǵalı Bekeshov daıyndap aparsa, Bekettiń jetekshisi - Jámıla Hýsanova.

---