InfoHub Logo

Atyraý oblysy, Inder aýdany, Qurylys aýyly,
M. Móńkeuly atyndaǵy orta mektebiniń İ sanatty
bastaýysh synyp muǵalimi Týlegenova Gýlaım Edilqyzy

Baıandama
Taqyryby: Oqytýda jańa tehnologıany paıdalanýdyń erekshelikteri
Qazaqstan Respýblıkasynyń «Bilim týraly zańynyń» 8 - babynda Bilim berý júıesiniń basty mindetteriniń biri - oqytýdyń jańa tehnologıalaryn engizý, bilim berýdi aqparattandyrý, halyqaralyq ǵalamdyq komýnıkasıalyq jelilerge shyǵý dep atap kórsetken. Qazirgi aqparattyq qoǵamda óndiristiń damýynyń quraly bolyp aqparattyq resýrstardyń qajettiligi kórinedi. Sondyqtan bilim berý salasy da óziniń damýy úshin jańa qadamdarǵa barýda. Osyǵan baılanysty adamǵa aqparattar keńistiginde durys baǵytty tańdaýǵa múmkindik jasaı alatyn oqytýdyń jańa tehnologıalary paıda bolýda.

Jańa tehnologıa - pedagogtyń múmkindigin kúsheıtetin qural, biraq ol muǵalimdi almastyra almaıdy. Bilim berý júıesindegi qaıta qurýlardyń negizgi sýbektisi - muǵalim. Qazirgi mektepte shyǵarmashylyq izdenis, qabileti damyǵan, jańa pedagogıkalyq tehnologıalardy jete meńgergen, mamandyq sheberligi qalyptasqan muǵalim qajet.

Bilim berý júıesiniń aldyna qoıylǵan maqsaty adamzattyń progrestik ereksheligine, qoǵamdyq – tarıhı, saıası - áleýmettik, ekonomıkalyq jaǵdaıyna saı negizdeledi. Qoǵam ilgeri damyǵan saıyn adamdardyń ómirge degen kózqarastary ózgerýde, bilim alýǵa, tilderdi úırenýge degen yntasy arta túsýde. Bilim berýdi aqparattandyrý, pánderdi ǵylymı - tehnologıalyq negizde oqytý maqsaty alǵa qoıylýda. Internet jelisi men elektrondy poshtanyń keńeıýi, onyń kúndelikti ómirde qoldanysqa enýi bolashaq mamandardyń oılaý júıesiniń artýyna, aqparattardy mol qabyldaýyna óz áserin tıgizip otyr.

Oqytýdy kompúterlendirýde kompúterdiń múmkindikteri óte keń elektrondyq oqýlyqtardyń kómegimen bilim, jattyqtyrý tapsyrmalaryn berý oqýshylardyń bilimin tekserý, tetileý. Oqytýda kompúterdi qoldanýdyń eki baǵyty bar:
1. Kompúterdiń múmkindikterin sezinip, ony ár túrli jaǵdaıda paıdalana bilýge qajetti bilim, iskerlikter men daǵdylarmen qarýlandyrý.
2. Kompúter oqytýdyń tıimdiligin joǵarylatyp, sapasyn kóteretin kúshti qural bolyp tabylady.

Qazirgi kezde muǵalim sabaq mazmuny qyzyqty ári jańasha ótýi úshin óziniń baǵaly ýaqytyn qajetti materıaldy izdeý men júıeleýge jumsaıdy. Ol úshin basty mindet - konseptýaldy aspektisin jasaý. Osyǵan oraı oqytýdy aqparattandyrýda tómendegi sátterdi eskerý qajet.
- oqytý úrdisin kompúterlendirý kezinde kompúterdi belgili bir úrdisterde, qubylystarda, ekonomıkalyq jaǵdaıda modeldeýge úıretý.
- kompúterlendirý muǵalimdi oqytý úrdisinen shyǵaryp tastamaı, oqýshylarmen neǵurlym tıimdi jumys jasaýǵa jaǵdaı týǵyzýy kerek.
- kompúterdi alǵa qoıylǵan pedagogıkalyq máseleni sapaly jáne tez sheshýge kómektesetin jaǵdaıda ǵana paıdalaný qajet. Sondyqtan muǵalim oqytýdyń jańa ádis - tásilderiniń biri – kompúter arqyly pándik sabaqtar ótkizýi qajet