InfoHub Logo

A. J. Sarymsaqova,
№24 lıngvısıkalyq mektep - gımnazıasynyń bastaýysh klass muǵalimi
Sabaqtyń taqyryby: B. Soqpaqbaev. Qamqorlyq
Sabaqtyń maqsaty: Mátindi mánerlep, sanaly - túsinip oqý, maǵynasyn ashý
a) Mátindi túsinip oqý, mazmunyn túsinýge, aıta bilýge, daǵdylandyrý;
á) Oı - óristerin keńeıtý, sózdik qoryn molaıtý, mátindi taldaýǵa, qorytyndy shyǵara bilýge qalyptastyrý;
b) Qorshaǵan ortany qorǵaýǵa, aıalaýǵa baýlý, ádepti, tártipti, meıirimdi bolýǵa tárbıeleý.
Sabaqtyń túri: jańa sabaq
Sabaqtyń ádisteri: túsindirý, suraq - jaýap, kórnekilik, taldaý, sýretteý
Sabaqtyń kórnekiligi: avtor portreti, tirek syzbalar, magnıtofon
Sabaqtyń barysy:
İ. Uıymdastyrý bólimi. Psıhologıalyq daıyndyq (magnıtofonnan áýen jiberiledi).
- Balalar, kózimizdi jumaıyq, ózimizdi keremet tabıǵat ortasynda júrmiz dep sezineıik. Aınala qandaı ásem, ádemi, jap - jasyl. Jan - janýarlar, ósimdikter álemin kóz aldymyzǵa elesteteıik. Qandaı sulý tabıǵat! (áýen toqtatylady). Kózimizdi ashaıyq. Osy tabıǵattan qandaı áser alsańyzdar, sondaı ásermen sabaqqa kiriseıik.

İİ. Negizgi bólim. 1. Kirispe. Oı qozǵaý.
- Balalar, biz qandaı taraýmen tanysyp jatyrmyz?
- «Tabıǵat – meniń óz úıim!»
- Tabıǵatqa ne jatady?
TABIǴAT - aǵash, taý, qus, ózen, shóp, ań
- Osy sózderdiń qaısysyna baılanysty mátinder oqydyq?
- Ózen, janýar, taý, qus t. b.
- Onda, balalar, búgingi ótetin taqyrybymyz da osy tabıǵatpen baılanysty bolmaq. Tabıǵatqa bizder ne jasaýymyz kerek?
- Qamqor bolýymyz kerek.
- Qalaı qamqor bolasyń?
- Sýaramyn, aqtaımyn, qopsytý, tazalaý t. b.
- Olaı bolsa, búgingi ótetin taqyrybymyz «Qamqorlyq» dep atalady. Bul mátinniń mazmuny sizderdiń aıtqan oılaryńyzǵa sáıkes kele me eken, tanysyp kórelik.
2. Jańa sabaqty meńgertý. Maǵynany ashý.
Baǵyttap oqý strategıasyn paıdalaný.
a) mátindi túsindire otyryp oqý (oqýshylardyń oıyn tyńdaı otyryp, mátinmen salystyrý).
á) sózdik jumysyn júrgizý.
Asha aǵash – rogatka,
sharbaq – aǵashtan jasalǵan qorshaý,
jan dalbasa – jan ushyra nemese esi ketip,
ákki – dánikken,
beıqam – alańsyz,
dýal – qorshaý,
bezbúırek – tasjúrek,
topshysynan – aıaǵynan,
páter – uıa.
b) oqýshylar bólimge bóle otyryp, ishteı oqıdy. Ár bólimge at qoıady.
İ bólim – «Sotqar Jantas»
İİ bólim – «Qojanyń qamqory»
İİİ bólim – «Torǵaıdyń jańa páteri».

Qyzyǵýshylyǵyn oıatý.
Mátinmen jumys.
a) Jantas pen Qojaǵa minezdeme berý;
á) mátindi ári qaraı jalǵastyr...
b) Jantas pen Qojaǵa hat jazý.

Avtor týraly túsinik.
- Balalar, mátindi oqydyq, taldadyq. Al, «Qamqorlyq» áńgimesiniń avtory - Berdibek Soqpaqbaev.
Avtor týraly tolyq maǵlumat berý.
Refleksıa.
- B. Soqpaqbaevtyń osy mátini unady ma? (jińishke suraq)
- Eger sender osyndaı Jantas sıaqty sotqar balaǵa kezikken jaǵdaıda ne ister edińder? (jýan suraq)
- Balalar, osy mátin boıynsha torǵaı, Qoja, Jantas sózderine bes jol óleń qurańdar.
Sabaqtyń túıini.
Kúshti bolsań, álsizderge qamqor bol,
Úlken bolsań, kishilerge qamqor bol.
Azamat bop atqa miner shaǵyńda
Ata - anańdaı kisilerge qamqor bol!
İİİ. Úıge tapsyrma. Mátindi oqý, mátinge baılanysty maqaldar jınaý.
IV. Baǵalaý