InfoHub Logo

Beıimdelý kezinde balaǵa qalaı kómektesý kerek.

«Balanyń balabaqshaǵa beıimdelý kezinde balaǵa qalaı kómektesý kerek»
(tárbıeshilerge arnalǵan aqyl - keńester, usynystar)
Beıimdelý kezinde balada bolatyn psıhoemonasıonaldy qysymnyń belgileri
1. Uıqyǵa jatqysy kelmeý
2. Buryn kórmegen, is - áreketterden sharshaý
3. Sebepsiz renjigishtik, jylaǵyshtyq nemese yzaqorlaný
4. Zeıini turaqsyz, umytshaqtyq
5. Alańdaýshylyq
6. Ózine senimsizdik
7. Qyrsyqtyq tanytý
8. Udaıy saýsaq sorǵyshtyq
9. Qarym - qatynasqa túsýden qorqý
10. Buryn baıqalmaǵan, túski jáne túngi uıqyda zár shyǵarý

Joǵaryda atalǵandardyń bári balanyń psıhoemosıonaldy kúızeliste ekenin kórsetedi, tek aldyn osyndaı belgiler baıqalmaǵan jaǵdaıda ǵana.

Balalardyń ózi - ózine sený sezimin qalyptastyrý
Beıimdelý kezeńiniń negizgi mindetiniń biri – qalada ózi - ózine sený sezimin qalyptastyrý bolyp tabylady. Bul úshin kelesi is - áreketterdi oryndaý qajet:
1. Balalardy bir - birimen tanystyrý, bir - birine jaqyndastyrý;
2. Tárbıeshi men balanyń tanysýy, balamen tárbıeshi arasynda senimdilik ornatý;
3. Toppen jáne balabaqshamen tanysý;
4. Balabaqsha qyzmetkerlerimen tanysý;
Osynyń barlyǵy, ıaǵnı aınalamen tanystrý oıyn túrinde júrgizilýi tıis.

Balalardy bir - birine jaqyndastyrýǵa
baǵyttalǵan oıyndar
1. Kel, tanysaıyq!
Balalar tárbıeshimen birge sheńberde turady. Tárbıeshi qolyna dop (dop jeńil, ádemi bolýy kerek) alady. Bala dopty qaǵyp alyp, óziniń atyn aıtyp, kelesi balaǵa beredi, oıyn osylaı jalǵasady.

2. Kópirshikter!
Balalar oryndyqta jartylaı sheńber bolyp otyrady. Tárbıeshi bir balanyń janyna baryp «Seniń atyń kim?» atyńdy qatty daýyspen barlyǵy esitetindeı etip aıtshy dep suraıdy!» Bala óziniń atyn aıtady. Tárbıeshi balanyń atyn qaıtalap, qolynan ustap, kelesi balaǵa keledi, osylaı barlyq bala kezekpen bir - biriniń qoldarynan ustap tárbıeshimen júredi. Aldymen oıynǵa qushtarlanyp turǵan balalarǵa barǵan jón. Eger bir bala oınaǵysy kelmese qınaýdyń qajeti joq. Olar oıyndy baqylap otyryp, oıynǵa qyzyǵyp ózderi oıynǵa qosylady.
Balalar úlken sheńber bolady. Tárbıeshi, «qarańdarshy bizde qandaı úlken kópirshik sıaqty sheńber paıda boldy! Qarańdarshy, biz qalaı kóppiz.- Al endi kishkentaı sheńber jasaımyz».
Balalar tárbıeshimen tyǵyz sheńber jasap, kópirshikti úrleı bastaıdy.

3. «Kimniń daýysy?»
Balalar jartylaı sheńber jasap otyrady, oıyn bastaýǵa bir bala shyǵyp, balalardyń artynda turyp bir balanyń atyn ataıdy, balalar kim ekenin tabady. Oıyn osylaı jalǵasady.

Balalardy balabaqshaǵa beıimdeý barysynda balalardy balabaqshada jumys jasaıtyn qyzmetkerlermen tanystyrý maqsatynda oıyndar júrgizý kerek.
Ár balany tańerteńgi qabyldaýda jyly qabaqpen qabyldaý. Ata - anamen tyǵyz baılanysta bolý.