InfoHub Logo

Taqyryby: Beıorganıkalyq qosylystardyń negizgi klastary jónindegi maǵlumattardy jınaqtap, qorytyndylaý (8 – synyp)

Sabaqtyń maqsaty: 1. Alǵan teorıalyq bilimin naqtylap, bilimderin júıelep tereńdetý. Ózindik jumystar arqyly tekserý, bekitý. 2. Zattardy bir - birinen ajyrata bilý, hımıalyq formýlasyn qurastyrý, teńdeý qurý, beıorganıkalyq qosylystar arasyndaǵy genetıkalyq baılanysty ıgerý bilikterin damytý. 3. Toptasyp jumys isteýge uıymshyldyqqa, belsendilikke tárbıeleý.
Sabaqtyń túri: Júıege keltirý sabaǵy.
Sabaqtyń ádis - tásilderi: Oı qozǵaý, frontaldi, toppen, jeke.
Sabaqtyń kórnekiligi: Interaktıv taqtasy, Venn dıagramsy, formýlalar, reaksıa teńdeýleri.
Sabaqtyń barysy:
İ Uıymdastyrý kezeńi.
a/ tereńdeý; á/ topqa bólý; b/ topqa jetekshi saılaý
İİ. Beıorganıkalyq qosylystardy negizgi klastary ár toptyń basshylyq jasaýshy top jetekshilerin anyqtaý úshin bes suraqtan turatyn test jumysy usynylady. Bes mınýttyń ishinde sol suraqtardyń durys jaýaptaryn tapqan oqýshylar jetekshi bolyp saılanyp, ár topqa bekitildi. Berilgen tapsyrmalardyń oryndalýyna basshylyq jasap, jumys nátıjesin taqtaǵa jazyp kórsetý úshin top basshylary taqtaǵa jazǵyzady.
1. Jetekshi saılaý /test/.
1. Qaısy qosylys azot IV valentti?
a) NO2
b) NH3
c) N2O5
d) N2O
2. Qaısy qosylysta ottektiń massalyq úlesi kóp?
a) K2O
b) FeO
c) H2O
d) SO2
3. Qaısy erıtin negiz?
a) Ba(OH) 2
b) Al(OH) 3
c) Fe(OH) 3
d) Cu(OH) 2
4. Fosfordyń valenttiligi qandaı?
a) 1, 3
b) 2, 5
c) 3, 5
d) 1, 2
5. Qaısy metal qyshqyldarmen jaqsyraq árekettesedi?
a) Al
b) Ag
c) Fe
d) Mg
2. Oı qozǵaý. Berilgen kúrdeli zattardy negizgi klastarǵa jiktep, atyn atap, erejelerin aıtyńdar: Na2CO3, H2SO4, MgSO3, HCl, P2O5, HNO3, H2SiO3, H2O, Cu(OH) 2, CO2, K2SiO3, HBr, Al2O3, Cr(OH) 2, CaO, HF, Cl2O7, B2O3, H3BO3.
3. Kim jyldam? Aınalýlardy júzege asyratyn reaksıa teńdeýlerin jazyńdar.
a) C ---- CO ----- CO2 ---- CuCO3 --- CO2 ----- H2CO3
b) Cu--- CuO ---- CuCl2 --- Cu(OH) 2 ---CuO ----Cu
c) Fe -- Fe2O3 --- FeCl3 -- Fe(OH)-----Fe2O3 --- Fe
d) S --- SO2 ---- SO3 ----H2SO4 ---- BaSO4
4. Jumbaq sheshý. Jumbaqtyń jaýabyn taýyp, formýlasyn jazyp, turmysta qoldanylatyn atyn ataý.
a) Ol bolmasa asyńnyń dámi kirmes. Kim bar eken ortada ony bilmes. (NaCl – as tuzy)
b) Shydasań da alty kún assyz múlde. Shydaý qıyn bul zatsyz eki kúnge. (H2O – sý)
c) Adam men janýardan bólinedi. Ósimdiktiń toryna iligedi. (CO2 – kómir qyshqyl gazy)
d) Aıaǵyńnyń astynda jatatyn zat taýǵa aınalyp, tas bolyp qatatyn zat. (SiO2 – qum)
5. Jubyńdy tap. Oqýshylar berilgen zattardyń tańbasy boıynsha qyshqyldardyń, tuzdardyń formýlasyn qurastyrý.
NO3, H3, SO4, H, PO4, H2 ---- Cl, Ba, Na, SO4, PO4, Al.
6. Bilimdiler baıqaýy.
a) 40g temir (İİİ) oksıdi quramyndaǵy temir massasy qansha?
b) 4g kalıı gıdroksıdine tuz qyshqylymen áser etkende qansha kalıı hlorıdi alynady?
c) 1, 7g kúkirtsýtektiń quramynda qansha gram kúkirt barekenin tabyńdar.
d) Myna qosylystardyń KNO3, NaNO3, NH4NO3 quramyndaǵy azottyń massalyq úlesin eseptep tabyńdar.
7. Toptastyrý. Tómendegi zattardyń, kálsı men fosfordyń genetıkalyq qataryn quryńdar.
Na, H2SO4, Ca, P2O5, PbCl2, CaO, S, H3PO4, CaSO4, P, Na3PO4, Ca(OH) 2, PbO.
8. Venn dıagramsy. Berilgen beıorganıkalyq zattardyń klastaryn salystyrý tuz ben qyshqyl, negiz ben oksıd.
İİİ Qorytyndy. Osyndaı saıys oqýshylardyń oılaý qabiletin, tapqyrlyǵyn, zerdeliligin, pánge degen qyzyǵýshylyǵyn arttyryp, til sheberligin jetildirip, ózderiniń bilimin berik este saqtaýǵa múmkindik beredi.
IV Úıge tapsyrma. Negizgi klastarǵa sózjumbaq, TEST qurastyryp kelý.