InfoHub Logo

«Zańnan aqyldy bolýdyń qajeti joq» degen eken álemge áıgili fılosof Platon. Rasynda da zań qoǵamdy, onda bolyp jatqan túrli máseleler men shıelenisken oqıǵalardy sheshýshi qural. Iaǵnı, bul turǵyda zańgerlerdiń de alatyn orny erek. Demek, belgili bir júıe boıynsha jumys jasaıtyn, halqy tártipke baǵynatyn memleket qurý úshin bilikti zańger mamandardy daıyndaý - mindet.

Sońǵy jyldary el arasynda bilimsyz zań salasynyń mamandary kóbeıgen degen pikirler qalyptasty. Bul másele aldymen osy salada shákirt tárbıelep júrgen ustazdardy tolǵandyratyny anyq. Al, el abyroıyn asqaqtatar bedeldi azamattardy túlek etken ál-Farabı atyndaǵy Qazaq Ulttyq Ýnıversıtetiniń Zań fakúlteti atalmysh pikirdi múldem joqqa shyǵarady. Oǵan dálel de joq emes.

Eń alǵash 1934 jyly elimizdegi eń beldi ýnıversıtetterdiń birinde zań fakúlteti qurylyp, óz qyzmetin bastady. Sol kezdiń ózinde básekege qabiletti maman daıyndaýdy basty maqsat etken bilim ordasy 2018- jylǵa deıin shamamen 35 myńǵa jýyq túlekti uıasyna qondyrǵan. Qazirgi tańda memlekettik mańyzy bar isterde, prokýratýra, sot, notarıýstarda, ishki istr organdarynda  halyq ıgiligi úshin qyzmet etip júrgen shákirtter áli kúnge deıin ulttyq ýnıversıtet basshylyǵy men ustazdaryna alǵystaryn jaýdyryp keledi. Atalmysh túlekter fakúltetimizdiń aınasy desek te artyq aıtqanymyz bolmas.

Ál-Farabı atyndaǵy Qazaq Ulttyq Ýnıvrsıtetindegi bedeldi fakúltetterdiń biri bolyp sanalatyn bizdiń ujymda óz mindetin múltiksiz atqaryp kele jatqan daryndy ustazdar barshylyq. Aıta ketsek, qazirgi tańda QR UǴA akademıgi, z.ǵ.d., profesor S.S. Sartaev, z.ǵ.d., profesor D.L. Baıdeldınov, z.ǵ.d., profesor A.N. Aǵybaev, z.ǵ.d., profesor Tynybekov Serıkkalı Tynybekovıch, z.ǵ.d., profesor Djansaraeva Rıma Erenatovna syndy otyzǵa jýyq doktor men profesorlar, ǵylym kandıdattary men dosentter, 12 PhD doktory men oqytýshylar stýdentterdi bilim nárimen sýsyndatyp keledi. Al, óz kezeginde qara shańyraqtan bilim alyp, túlep ushyp, artynan ergen jas urpaqqa bererim bolsyn degen shákirtter arnaıy dáris ótkizip turady.

Sonymen qatar únemi kósh bastap júretin zań fakúltetiniń jetistikteri de az emes. 2011-2012 oqý jylyndaǵy ál-Farabı atyndaǵy Qazaq Ulttyq ýnıversıtetiniń fakúltetter reıtıńisi boıynsha 2-shi oryndy ıelense, dál sol jyly «ál-Farabı tyndaǵy QazUÝ fakúltetiniń úzdik ǵımaraty» baıqaýynda da atalmysh 2-shi orynǵa turaqtady. Al 2015 jyly úzdik fakúltetter arasyndaǵy baıqaýda 2- shi oryndy qanaǵat qyldy. Fakúltet stýdentterdiniń jan-jaqtylyǵyn, belsendiligin, talanttylyǵyn dáleldeıtin júldeler de az emes. Olar: 2014 jyly «Birinshi kýrs stýdentteriniń kúni» atty sporttyq merekesiniń baǵdarlamasynda arqan tartys boıynsha 2-shi oryn, «1-kýrs talanttary-2014» kórkemónerpazar baıqaýynda zamanaýı bı nomınasıasy boıynsha 2-shi oryn, 2018 jyly ótken dástúrli tazalyq baıqaýynda 1- shi oryn.

Bul bilimdi maman men belsendi shákirt birligi negizinde fakúltettiń jetken úlken jetistikteri. Joǵaryda atap ótkenimizdeı, ál-Farabı atyndaǵy QazUÝ-dyń zań fakúlteti zańgerler daıyndaıtyn eń úlken mektep. «Zań – memlekettiń toǵyz qabat, tor kózdi saýyty» degen eken Sherhan Murtaza. Al halqyna qalqan bolar úzdikterdiń úzdigin daıyndaý bizdiń paryz.

Alkebaeva Djanat Aqbergenovna 

Ál-Farabı atyndaǵy QazUÝ Zań fakúlteti

azamattyq quqyq jáne azamattyq is júrgizý,

eńbek quqyǵy kafedrasynyń oqytýshysy 

---