InfoHub Logo

Búgingi básekelestik zamanda ýnıversıtetke qoıylatyn eń basty talaptardyń biri básekege qabiletti bilikti mamandardy daıarlaý bolyp tabylady. Osyndaı bilikti mamandardy daıyndap jatqan elimizdiń eń iri joǵarǵy oqý orny - ál-Farabı atyndaǵy Qazaq ulttyq ýnıversıteti. «Ótkenińdi bilmeseń – bolashaǵyńdy boljaı almaısyn» - degen qanatty sózden búgingi kúnniń kókeıtesti saýaldaryna jaýapty bizder ótkennen izdep taba alatynymyzdy baıqaımyz. Al osy ótken men bolashaqty jalǵastyryp turǵan túıin ol ata-babamyzdyń asyl qazynasyn saqtap, ony búginmen baılanystyryp turǵan mýzeı dep aıta alamyz. Sol sebepti halymyzdyń mádenı murasyn odan ári qorǵap, saqtaıtyn, qalpyna keltiretin jáne ony nasıhattaıtyn mamandar búgingi zamannyń talaby bolýy zańdy qubylys.

Osy jumysqa jastardy baýlý maqsatynda 2003 jyly elimizdegi eń úzdik joǵarǵy oqý ornynda Ál – Farabı atyndaǵy Qazaq ulttyq ýnıversıtetinde, Tarıh, arheologıa jáne etnologıa fakúltetinde «5V041900 - Mýzeı isi jáne eskertkishterdi qorǵaý» mamandyǵy ashylǵan. Jáne sol ashylǵan jyldan beri, búgingi kúnge deıin Qazaqstannyń mýzeı isiniń damýyna ózindik úles qosyp júrgen kóptegen mamandardy daıyndap shyqqan.

Keleshekte Qazaqstan mýzeı isin damytatyn jáne mýzeılerimizdi álemdik mýzeıler arasynan eń aldyńǵy qatarynajetkizetin joǵarǵy dárejeli mamandar daıyndap shyǵý úshin, fakúltettiń bilikti oqytýshylar arnaıy kýrstar, pánaralyq zertteýler qoldana otyryp, stýdentke teorıalyq bilim berýge umtylady.Básekege qabiletti bilikti maman bolýy úshin stýdentter  aqparatty ózi izdep tabýdy, taldaı bilýdi jáne ony durys paıdalana bilýi kerek. Sol sebepti olardyń oqý baǵdarlamasynda semınar sabaqtary ótedi, onda stýdent óziniń oıyn erkin jetkize alady. Sonymen birge ýnıversıtet qabyrǵasynda ınternet jelisi ornatylǵan, bul stýdentter kez-kelgen ýaqytta ózderine kerekti aqparattardy, eń bastysy sheteldik mýzeılerdiń tarıhymen, úzdik eksponattarymen tanysyp, olardyń tájirbıelerin saralaý úshin  sheteldik vırtýaldy mýzeılerge sapar shegýge múmkindik beredi.

Jáne de oqytýshylar Almaty qalasynyń eń iri QR MOM, Almaty tarıhy mýzeıi, D.A. Qonaev mýzeıi, Yqylas Dúkenuly atyndaǵy saz aspaptar mýzeıimen tyǵyz baılanysa otyryp, stýdentter mýzeıdegi mamandarymen birge eki aptalyq tájirbıeden ótedi jáne osy arqyly stýdentter ózderiniń teorıalyq bilimin, tájirbıe júzinde shyńdaıdy.

Sonymen birge ýnıversıtet sheteldik eń úzdik JOO - men baılanys ornatqan, bulstýdentterge mamandyqtary boıynsha akademıalyq utqyrlyq arqyly shetelge shyǵýǵa múmkindik beredi. Osy mamandyqtyń stýdentteri álemniń eń úzdik mýzeılerinde bolyp, ondaǵy qyzmetkerlerdiń júrgizip jatqan jumystaryn saralap, sol arqyly bolashaqta onda jınaǵan tájirbıesi arqyly, Qazaqstan mýzeı isin bir satyǵa joǵarlatýǵa óziniń úlesin qosa alady. Osy mamandyqtyń bitirýshilerge ýnıversıtet ózderiniń bilimderin odan ary tereńdeı túsý jáne osy sala damytýǵa óz úlesiniń qosý úshin magıstratýra jáne osy jyldan bastap «8D022 - Mýzeı isi jáne eskertkishti qorǵaý» mamandyǵy boıynsha doktorantýraǵa túsýge múmkindik berýde.

Amangeldi Ardana Tarıh, arheologıa jáne etnologıa fakúltetiniń 4-kýrs stýdenti

Maqala jetekshisi: M.Q.Egizbaeva – ál-Farabı atyndaǵy Qazaq Ulttyq ýnıversıtetiniń  dosenti, tarıh ǵylymdarynyń kandıdaty

---