InfoHub Logo

Bilim sapasyn arttyrýdaǵy quzirettilik

İ. Kirispe
Jańasha bilim mazmunyn qurý – bilim berý júıesindegi ózekti másele

İİ. Negizgi bólim
1. Qazirgi qoǵam muǵalimi – rýhanı damyǵan, tolysqan shyǵarmashyl tulǵa
2. Aqparattyq quzirettiliktiń bilim berý júıesin arttyrýdaǵy mańyzy

İİİ. Qorytyndy
Quziretti muǵalim – ǵylym men ilimniń, uly kóshtiń ıesi.

HHİ ǵasyrda álem órkenıeti jańa damý kezinde qadam basty. Bul kezeń kez - kelgen memlekettiń damý deńgeıin tabıǵat resýrstarymen emes, ıntellektýaldyq, shyǵarmashylyq potensıalymen, ǵylymda, jańa tehnologıalardy meńgerý, óndirý jetistikterimen anyqtaıdy.
Elbasy alǵa qoıǵan parasatty ekonomıkaǵa qyzmet etetin adamı kapıtaldyń jańa sıpaty HHİ ǵasyrdaǵy qoǵam damýynan týyndap otyrǵan suranystarǵa tikeleı baılanysty. Halyqaralyq deńgeıde básekelesetin, ómirge belsendi kózqaras pen joǵary bilikti jáne jeke tulǵany tárbıeleý, mektep qabyrǵasynan bastap oqýshylardy ǵylymı zertteý jáne tájirıbelik qyzmetke qatystyrý, qazaqstandyq jáne álemdik bilim júıesiniń tańdaýlysyna sáıkes jalpy orta bilimniń ınovasıalyq modelin qurý zamanaýı bilim berýdegi obektıvtik qajettilik.
Jańa zamanǵa saı adam resýrstardy bilim berý júıesi daıarlaıtynyn eskersek, ol eń aldymen, tómendegi suranystardy qanaǵattandyrýy qajet:
- bilimdilikke negizdelgen qoǵam barlyq jas adamdardan bilimniń joǵary standarttaryn meńgerýdi talap etedi;
- olar problemalardy sheshýge qajetti aqparattardy suryptaı alýǵa jáne ózgeler pikirimen sanasa otyryp, qarym - qatynasta óziniń oı – pikirin erkin bildire alýǵa qabiletti bolýy tıis;
- olardyń boıynda óz bilimin únemi jańǵyrtyp otyratyn jáne jańa daǵdylardy meńger alatyn qabilet qalyptastyrylýy kerek.