InfoHub Logo

«Bilimdiler» zıatkerler saıysy 7 - 8 synyp oqýshylary arasynda

Maqsaty: Oqýshylardyń oılaý qabiletin, oı ushqyrlyǵyn, oqýǵa yntasyn, matematıka pánine qyzyǵýshylyǵyn arttyrý, aldaǵy synaqtarǵa aldyn - ala daıyndaý. Oqýshylardy uıymshyldyqqa,
jaýapkershilikke, ózin - ózi tárbıeleýge baýlý.
Kórnekiligi: prezentasıa, bezendirilgen zal.

İ júrgizýshi: Sálemetsizder me, Ustazdar!
Aıtar oıyn tuspaldar.
Siz oqytqan oqýshylardyń
Sáti keldi synalar.

İİ júrgizýshi: Sálemetsizder me, oqýshylar!
Naqty ǵylymdarǵa qyzyǵýshylar.
Estigenin este tutyp,
Oqyǵanyn mıǵa toqýshylar.

İ júrgizýshi Qaıyrly kún, bilim súıer qaýym! «Erýdıt» zıatkerlik saıysymyzǵa qosh keldińizder!
«Arıfmetıka matematıkanyń, al matematıka ǵylymdardyń patshasy» dep uly ǵalym Gaýss beker aıtpaǵany belgili. Osy naqyl sózdi búgingi is - sharamyzdyń urany retinde alyp sabaǵymyzdy bastaıyq.

İİ júrgizýshi Búgin matematıkalyq is - shara 7 - 8 synyp oqýshylary arasynda ótedi. Oqýshylar 2 topqa bólingen. Ortaǵa İ top: «???», İİ top: «????» top saıyskerlerin ortaǵa shaqyra
İ júrgizýshi Matematıka syrlary,
Qyzyqtyrdy bizderdi.
Oıynǵa birge qatysýǵa,
Shaqyramyz sizderdi, - deı otyryp saıyskerlerimizdiń bilimin synaıtyn jáne ózderiniń ádil baǵalaryn beretin ádil - qazylar alqasymen tanystyryp óteıin.
(Ádil - qazylarmen tanystyrady)

İİ júrgizýshi Shyn júırik shabysynan tabylady
Naqty bilim tereń oı synalady.
dep saıysymyzdyń ótilý tártibimen tanystyraıyq
1. Tanystyrý sáti
2. Báıge.
3. Ǵajaıyp alań.
/Uıashyq tańdaý /
4. Kim tapqyr?
5. Matematıka maqal - mátelde
6. Matematıka jumbaqta.
7. Matematıka halyq esepterinde
8. Qorytyndy.

İ júrgizýshi Kelesi kezekte tanystyrý sáti
İ top «???» toby.
Urany:
Sálemdesýi: Biz daıynbyz bul saıysqa dostarym,
Kórsetemiz bizde qandaı kúsh baryn.
Alǵa qoıǵan maqsatymyz bir eken.
Sátti bolsyn saparymyz árdaıym.
İİ top. «????» toby.
Urany: Sálemdesýi: Qıyndyqtan sirá da biz qashpaımyz,
Alǵyrlyq pen tapqyrlyqty ushtaımyz.
Qıalarǵa samǵap ushqan qustaımyz,
Sheginbeımiz jeńisterge bastaımyz.

İİ júrgizýshi Esepti túrli - túrli shyǵaramyz,
Arasynda oıyn oınap jarysamyz
Oıǵa oralymdy qıyn suraq bári de bar
Ázil esepti de júzege asyramyz.

İİ Báıge
Kelesi kezeńimizdi bastaıyq, Bul kezeń báıge dep atalady. Bul kezeńde suraqtar oqylady, jaýabyn bilgen top qolyn kóterip jaýap beredi. Suraqtarǵa durys jaýap 1 upaıdan esepteledi.
1. Qandaı sannyń kez - kelgen dárejesi sol sannyń ózine teń? (1)
2. 2 men 3 - tiń arasyna qandaı tańba qoıǵanda 2 - den úlken, 3 - ten kishi san shyǵady? (útir)
3. Ústel beti tórtburyshty, onyń bir buryshyn
aramen kesip alsaq, neshe burysh qalady? (5 burysh)
4. Qatar turǵan 3 sannyń qosyndysy da kóbeıtindisi de 6 - ǵa teń. Bul qandaı sandar? (1, 2, 3)
5. Sannyń júzden bir bóligi (paıyz)
6. Januıada 2 ul jáne ár uldyń 2 ápkesi, 1ákesi bar. Ár qyzdyń bir anasy bar. Januıada barlyǵy qansha adam bar? (2ul, 2 qyz, 1 ákesi, 1 anasy - 6 adam)
7. Otyrardan shyqqan uly oıshyl, danyshpan, ǵalym matematık. (Ál - Farabı)
8. Geometrıanyń negizin qalaǵan matematık. (Evklıd)
9. Ushaq Zaısannan Almatyǵa deıin 1saǵat 20 mınýt ushady, al keri qaraı 80 mınýt ushady. Bul aıyrmashylyqty qalaı túsinýge bolady? (1saǵat 20 mınýt = 80 mınýt)
10. Áripti órnektiń aldyndaǵy sandyq kóbeıtkish qalaı atalady? (Koefısıent)
11. Aıqasqan eki taıaq turady joqty surap. (h)
12. Kúshine sengen bir myqty, jyǵyp alyp segizdi baraıyn qaıda degizdi? (sheksizdik)
13. 25 paıyz jaı bólshekpen, ondyq bólshekpen qalaı atalady?