InfoHub Logo

Aq pen qarasy tarazyǵa tartylǵan, synaptaı syrǵyp qolda turmaıtyn ýaqyt qarymyn kidirtý pende enshisine buıyrmaǵyn is. Ár saǵat altynǵa parapar desek bir táýlik ıakı qolyńdaǵy jıyrma tórt altyn ispetti. Birinen – biri almasyp zańdylyqqa baǵynǵan ýaqyt qanjary bir demde otyz kúnniń basyn alyp, on eki aıdy sergeldeńge salyp selin sulata teginde syry san qatpar tarıh qoınaýyna alaly – qulaly paraqshasyn almastyrady. Bir kem dúnıe deseńizshi...

**** **** ****
Biri – qýyp - birinen qashyp, qanjilik keıiptegi dúnıede esh taýsylmaıtyn ol - janardyń jasy eken. Keýdedegi jalt etken úmit oty, kóktegi jarq etken jasyn syndy. Samalalardaı samsap baryp joq bolyp ketetin. Qulamaı - turýdy, jylamaı – kúlýdi, turalamaı – uǵýdy bilmes edik. Eger eges – egizi bolmasa. Bir kem dúnıe deseńizshi...

**** **** ****
Tirisinde tiriler,
Tútep birin – biri jer.
Tirliktegi qadiriń,
Ólgenińde biliner
– dep jatady, sózi mir oǵyndaı ótkir dilmár danalarymyz. Nemese tirisinde ósekten amany joq, al ólgende jamany joqtyń kúıti syndy. Teginde tusaý salmaı, toqyraǵan sátte uǵynyp jatatynymyz jalǵan emes. Tolǵaýy toqsan tirliktiń tolǵamy taýsylmasy haq. Bir kem dúnıe deseńizshi...

**** **** ****
Kegen sýyndaı kerige aqqan qý dúnıe qoıdyń qumalaǵyndaı bizden de qalary belgili. Qamshynyń sabyndaı qysqa ǵumyrda: Nege? – degen suraqqa jaýap bere alamyz ba?!
Bárde ash – birde toq,
Birde bar – birde joq
Dúrbeleńge toly dúnıe dúbiri kimniń bazynasyna qaraılasyn. It úredi, kerýen kóshetini anyq. Bir kem dúnıe deseńizshi...

**** **** ****
Jubatamyn dep kelip jylatyp ketedi sengeniń. Jylýlyǵyn syılaǵandaı kórinip tún uıqyńdy kún urlaǵanymen ury jyldyń toqtatý esh múmkin emes. Syryn bilmeıtin jannyń syrtymen de júrme dep te jatady. Syzylyp engenimen kóńilden tushynyp ketedi bir kúni. Syılastyqtyń syryn uqqym keledi. Biraq, syrtym bere gý – gý ósek ertip, syqıyp kelip sympıtyp kettetin jandar qurbany bolý jan azabyna syzat túsiredi. Bir kem dúnıe deseńizshi...

---