InfoHub Logo

Bir shal men kempirdiń jalǵyz sıyry bolypty. Sol sıyrdyń súti olardyń qoregi eken. Sondyqtan sıyrdyń buzaýy sútke jarymaı, ólip kala beripti.

Jyldar ótedi, shal-kempir qartaıa túsedi Al buzaýlardyń burynǵysha ólýi toqtalmaıdy.

– Qoı, bolmas, – deıdi, bir kúni shal kempirine, – bir jylǵa bir nárse etip shydarmyz. Sıyrdy saýmaı-aq koıshy, buzaýy óssin.

– Jaraıdy, – dep, kempir de kelise ketedi. Úsh kúnnen soń sıyr erkek buzaý týady. Buǵan qýanǵan olar qansha taryǵa tursa da sıyrdy saýmaı, barlyq sútti buzaýǵa beredi. Enesiniń sútin bir ózi emip ósken buzaý úlken ógiz bolady. Kele-kele ol óziniń semizdigine mastanady. Oǵan mynandaı oı keledi: «Osyndaı zor denemen sıyrlardyń arasynda jaıylamyn. Joq, bul laıyqsyz, túıelerge qosylaıyn». Sóıtip, ol túıelerge qosylady. Ózin erekshe zor sezinip júrgen ol barynsha-aq túıe bolýǵa tyrysyp baǵady. Solardyń jegen shóbin jeıdi, olarmen shólge ketip, sortań jalaıdy. Aqyrynda, shólden qatyp, ishi aýyryp, shydaı almaı: «Jylqylarǵa baraıyn, túıeden kishirek qoı, azaby da jeńilirek bolar», – dep uıǵarady. Sóıtip, jylqyǵa qosylady. Biraq bul da jaıly tımeıdi. Solardyń sanatynan qalmaı shaýyp júremin dep tıtyǵy qurıdy. Bir kúni qasqyr tıip, jylqylar dúrkireı qashady. Bul ilese almaı, aıdalada qalady. Baqytyna qaraı, qyr astynda sıyrlar jaıylyp júr eken. Ógizdiń ókirgen daýsyn esitip, joldasyn múıizderimen qorǵaı júrip, qasqyrdan qutqaryp alady. Ógiz qýanǵannan jylap jiberipti.

– Óz tobyńnan bólinseń, kórer kúniń osy eken, – depti, ol jasyn súrtip turyp. Ógizdiń bul sózi buzaýlarǵa tálim bolypty.

---