InfoHub Logo

Áıgili qalamger Ázilhan Nurshaıyqovtyń "Mahabbat, qyzyq mol jyldar" týyndysymen kópshiligińiz tanys bolarsyz.Adam boıyna asyl qundylyqtardy quıatyn shyǵarmanyń árbir bóligi sıqyrmen bederlengendeı.Júrekti jaýlaǵan qos keıipkerdiń qıly taǵdyry oqyrman júregine jol tarta bildi.Al, Erboldyń súıgen jary -Meńtaıdyń asyl anasynyń mánge toly júrekjardy naqyldaryn nazarlaryńyzǵa usynbaqpyn:

"El bılegen jaqsy adamnyń ómirdiń kúndelikti kúıbeńimen ketip, erteńgi urpaqqa mura bolarlyq óz atynan eshteńe qaldyrmaýy ókinishti.Abaı atamyzdyń ózgelerden artyqshylyǵy da osynda-artyna tastap ketken asyl kitabynda ǵoı"

"Bireýdi pálenshe kóp biledi dep maqtaıdy.Kóp bilgen adam kóp tyndyrsa, maqtaýǵa bolar edi.Kóp bilip túk tyndyrmaıtyndar da bar.Mundaı iske paıdasyz bilgishtikti bildim deýdiń qajeti joq.Ondaı "bilgishten" az bilip, kóp tyndyratyn qońyrqaı adamnyń ózi artyq"

"Aýyz sheshendik árkimde bolady.Ásirese qyzdyń aýzy súıreńdep, kóp sóılemegeni abzal.Óıtkeni qyzdyń kúlkisi, jymıýy, bas ızeýi, kózqarasy, júris-turysy-bári de saırap turǵan sóz.Sondyqtan da az sóılep, aınalasyna aqylmen tanylǵany durys"

"Shoshańdaǵan qyz shesheniń atyna kir keltiredi"

"Balasy araq ishse, sheshesi ý ishedi.Maskúnem jaman bala jaqsy anany ajalynan buryn kórge kirgizedi"

"Jaman týys tisteýik, jaqsy joldas úıirsek.Jaqsy dos jaman ákeden artyq"

"Aq kóńil men adal nıetten týǵan is ásem bolmasa da súıkimdi.Aıla men aramdyqtan týǵan is, ádemi bolsa da-jıirkenishti"

"Keı adam kilt etpe keledi.Biraq ol minez jas balaǵa, sulý áıelge jáne uly adamǵa ǵana jarasady.Bul úsheýinen basqaǵa bitken qyńyrlyq-qyrsyqpen teń"

"Tiri adamnyń bar baqyty, bar qyzyǵy jer betinde.Oǵan kókke umtylýdyń nemese o dúnıeden úmit etýdiń qajeti joq.Sol sebepti bar terdi tógip, barsha oı men aqyldy jumsap jer betin, turǵan úıińdi jumaq ete bil"

"Dosty syrttan izdeme, jaqynnan izde, ózińniń ishińnen, ishki dúnıeńnen izde.Janyń jaqsy, júregiń jyly, aqylyń parasatty bolsa-izdegen dosyń alystan úıirilip ózi keledi"

 

"Eshqashan da eshkimdi jamandama.Eń jaman degen adamnyń da óz jaqsylyǵy bolady"

"Eshkimmen barqyldap uryspa, baǵańdy joıasyń"

"Jazǵy salqynnan janyńdy aıama"

---