InfoHub Logo

Ómirbaıany:

Súleımen Baıazıtov 1944 jyly 2 jeltoqsanda Pavlodar oblysy Baıanaýyl aýdanynyń Jumat Shanın aýylynda dúnıege kelgen.

 Pavlodardaǵy Mal dárigerlik tehnıkýmyn jáne Qaraǵandy Memlekettik ýnıversıtetiniń fılologıa fakúltetin támamdaǵan.

 Aqyn, jýrnalıs, jazýshy, aýdarmashy, Máshhúrtanýshy, ólketanýshy.

 

Jumys baspaldaǵy.

1971 jyly Baıanaýyl aýdandyq «Jeńis» (qazirgi «Baıantaý») gazetinde ádebı qyzmetker, bólim meńgerýshisi , redaktordyń orynbasary 1997-1999 jyldar aralyǵynda oblystyq «Saryarqa samaly» gazetinde tilshi bolyp qyzmet etti.

1999 jyldan 2008 jylǵa deıin Krasnoarmeıka orta mektebinde «qazaq tili men ádebıeti» páni boıynsha muǵalim bolyp qyzmet etti.

 

Eńbekteri.

Alǵashqy áńgime, óleńderi 1962-1963 jyldary «Tyń ólkesi» gazetinde jaryq kórip, sodan beri ańyz, povesteri, romany, jyrlary, syqaq óleńderi, áńgimeleri, poemalary, tanymdyq maqalalary , aýdarmalary kitaptarda basylyp , ǵalamtorda beınefılmderi kórsetilip keledi. Aýdandyq, oblystyq, respýblıkalyq gazet-jýrnaldarda jarıalanyp turady. 1972 jyly Pavlodar qalasynda ótken jas aqyn-jazýshylardyń respýblıkalyq aımaqtyq Keńesine qatysqan.

«Qudyreti kúshti bir Alla» (2004)

«Aqbalyq Haziret» - (2018)

«Bala Máshhúr» (2019)  - atty jınaqtary jaryq kórdi.

Jazýshynyń  «Bastaý» (1979), «Jasybaı batyr» (2004),  «Elsizdegi eles» (2004), «Han ıem» (2005), «Jaraly jerdiń janary» (2006) (eki tomdyq),  «Kóne qazaqtyń qyńyr qısyny» (2007), «Paıymdaý» (2007), «Malaısary batyrdyń sońǵy ázili» (2007), «Máshhúrtaný órisi» (2009), «Báldý báldý bári ótirik» (2010), «Qyzyltaý jeltaý Aıasy» (2010), «Alash arystary» (2012),

«Poemalar men Aýdarmalar» (2014),

«Jarylys» (2016),   Ol aýdarǵan Omar Haıam, Pablo Nerýda, F.Túchev, Lesá Ýkraınka, Iogennes Robert Beher óleńderi, poemalary sol sıaqty V.Irvıng, M.Tvenniń prozalyq shyǵarmalary «Álem ádebıeti», jýrnalynda, «Poemalar men Aýdarmalar» jınaq kitabynda basyldy.

Balalarǵa arnalǵan bir top óleńderi aýdarylyp (O.Grıgoreva), 2013j. Máskeýdegi «Hýdojestvennaıa lıteratýra» baspasynan shyqqan. «Dombyra ı kolybel» atty qazirgi zaman ádebıetiniń úsh tomdyq antologıasynyń birinshi tomynda jaryq kórdi.

Sol sıaqty I. Ignatovskaıa aýdarǵan biraz óleńderi Ombydan shyǵatyn «Irtysh -Om», «Interesnyı Pavlodar» jýrnaldarynda jaryq kórdi.

«Qos til – qos qanat», «Dva ıazyka kak  dva kryla» jyr jınaǵyda jaryq kórdi. Atalǵan jınaq S.Toraıǵyrov atyndaǵy kitaphana basshylyǵynyń  bastamasymen oblysta tuńǵysh ret zaǵıp adamdarǵa arnalyp, braıl shrıftimen basylyp shyqty. Aqynnyń 75 - jyldyǵy laıyqty atalyp ótti.

Marapattary: «Qazaqmys» toby men Qazaqstan Jazýshylar Odaǵynyń uıymdastyrýymen ótken balalarǵa arnalǵan ádebı shyǵarmalar boıynsha respýblıkalyq

«Balaýsa» báıgesinde 3-oryn ıegeri atandy (2014). «Ádebıet jáne Poezıa» nomınasıasy boıynsha Pavlodar oblysy ákiminiń,  grantyna,  stıpendıasyna birneshe ret ıe boldy. 

Pavlodar obylys ákiminiń, Qazaqstan Jazýshylar Odaǵynyń quttyqtaý hattarymen marapattaldy.  S. Baıazıtov Baıanaýyl aýdanynyń Qurmetti azamaty (2012).

Pavlodar oblysy aldynda sińirgen eńbegi úshin tós belgisiniń ıegeri (2013).

«Qazaqstan Respýblıkasynyń Táýelsizdigine 20 jyl» merekelik medalimen marapattaldy.

Osy siltemede beıne baıany bar: https://youtu.be/WjVUA5Juv34

Kuttybai Madi

---