InfoHub Logo

Qazaq ultynyń  qyryq jany bar eken...  Mektep syndy mekennen bilim alyp júrgen oqýshy degen atym bar, óz elimniń tarıhı shejiresin bilmesem, Tuńǵysh Prezıdenttiń   eli úshin jasaǵan eren eńbegin bilmesem, eńseli Elordamyzdyń jetken jetistigin bilmesem, biz úshin úlken syn bolady dep paıymdaımyn.   Endeshe, ultymyzdyń uly shejirelerin dálel retinde qoldanyp, qıalyma erik bereıin, qıal emes-aý,  ishki tolǵanysym bolsyn.

Iá, qıyndyǵy men qasireti kóp bolǵan eldiń, osy kezge deıin halqyn Nursultandaı danyshpan basqarǵan ór halyqtyń   urpaǵymyn. Men halqymnyń tózimdiligi men tabandylyǵyna qaıranmyn. Sumdyq ashtyq pen qaıyrshylyqty, jaýgershilikti, joıqyn soǵysty, qantógisti, qandy oqıǵalardyń kýágeri boldy.  Nebir zobalań zamandy bastan keshken qazaq halqy osy kúnge de jetti. Aýyr kúndi artymyzǵa tastadyq.

Táýelsizdigimizdi alǵannan soń halyqtyń basyn biriktirip, N.Á.Nazarbaev Tuńǵysh Prezıdent boldy. Meniń oıymsha, ol ójettik tanytty. Qıyn sátte qıyndyqtan qashpady,   týdy ustap týra jolǵa tústi, shalys qadam baspady. Oǵan ekonomıkamyzdyń qaryshtap damýy, áleýmettik jaǵdaıdyń jaqsarýy, bastysy, elimizdegi beıbitshilik pen tynyshtyq kýá.

Jaqynda eldi eleń etkizgen bir oqıǵa boldy. Osy jyldyń 2019 jyldyń 19 naýryz kúni Tuńǵysh Prezıdent  Qazaqstan halqyna málimdeme jasaǵan edi. Ol óz úndeýinde qyzmetten ketetindigi týraly mańyzdy sheshim  qabyldaǵanyn jarıalady. Bul jańalyqty halyq kútpegen edi, sol sebepti tolqynyspen, kóńilsizdikpen qarsy aldy. Ońaı emes, 30 jyldaı el basqaryp, halqynyń qorǵany bolǵan tuńǵysh Prezıdenttiń  ókilettigin toqtatýy. Kóńil - kúıi túsken adamdardyń ishinde men de barmyn, qımaı, qapalanyp qaldym.

Astanany Tuńǵysh Prezıdenttiń esimimen ózgertý týraly Prezıdentimiz Qasym -Jomart Toqaev jarlyq shyǵarǵan eken. Buǵan halyqtyń bir bóligi qol soǵa qoldap jatsa, endi bir bóligi narazylyq bildirýde. Men buǵan túsinbeımin. Keńes úkimeti kezinde Lenıngrad, Stalıngrad degen qalalar bolǵany sıaqty astanamyzdyń «Nursultan» atalsa, nesi aıyp, men qýana qabyldar edim. Tuńǵysh Prezıdenttiń  eren eńbegin eleýimiz kerek qoı.

Elorda  - elimizdiń bas shahary. Mańyzdy saıası sheshimder de osy mekende sheshiledi.

Sol Elordany, qyr dalany gúl dalaǵa aınaldyrǵan  - Tuńǵysh Prezıdent. Qazirgi tańda, Elorda  Ortalyq Azıanyń jaýharyna aınaldy.   Elorda qazaq eliniń damyp, turmysynyń jaqsarǵanynyń dáleli.

Tuńǵysh Prezıdenttiń  bastaýymen meniń Otanym álemge tanyldy. Nursultan Nazarbaev –danyshpan, kemeńger, myqty saıasatker adam. 130-dan kóp ultty bir shańyraqtyń astyna birikteri aldy. Elep atap ketetinimiz, qazaqtyń kóneniń kózindeı bop kele jatqan salt-dástúrin qurtpaı, olardy jańǵyrtty. Keshegi toılaǵan 22 Naýryz meıramynyń da qazaq dalasyna oralýy kemeńger Nursultan atamyzdyń eńbegi. Tún uıqysyn tórt bólip, oılaǵyny halqynyń qamy, eliniń bolashaǵy boldy. Ol Qazaqstandy bar álemge tanytyp, dáleldep ketti.

---